《查男友上網紀錄 竟然發現到⋯》

「點解你要暪住我做呢啲嘢⋯⋯」

廣告
廣告

有一日,我放工番到屋企,女朋友即刻炮轟我,嚇到我心都離一離。

佢坐咗喺我部電腦面前,開咗我個上網紀錄嚟睇。

愛情需要信任,但女朋友嘅好奇心有時實在太大,又忍唔住睇我啲嘢⋯⋯

「吓⋯咩事呀,妳聽我解釋先啦!」我緊張地回應。

點知,佢竟然聲淚俱下,好嬲咁話:「點解我平日對你咁好,你都要對我唔住⋯⋯」

我一頭霧水,佢見我擺出一個無知、無辜樣,就指住個Mon同我解釋咩事⋯⋯

佢:「你點解要上呢啲網?」

廣告
廣告

我諗緊,係咪我唔小心上咗啲咩咸濕網,畀佢發現,所以嬲。

當我諗緊點解釋嘅時候,佢再追問:「你同佢係幾時開始?」

「吓⋯⋯邊個佢呀。」我更加不明不白。

「唔好再扮嘢啦。」女朋友嘆咗一下氣。

廣告

擾釀一輪,女朋友終於指出我上咗咩網,係一個「酒店預訂」嘅網頁。

佢:「你呢幾日,成日都上呢個酒店預訂,但我哋嚟緊又唔係去旅行⋯⋯」

我:「咁妳覺得係點⋯⋯?」

佢:「你一定係約咗女仔去,仲要Book晒酒店,一定係去『咩』啦⋯⋯」

當我知道發生咩事之後,鬆咗一口氣,但同時又嬲嬲哋⋯⋯「唉⋯⋯妳又喺度亂諗嘢⋯⋯」

佢:「你仲有咩說話好講?」

我唔講,我用行動證明比妳睇。

首先,我打開一個新嘅網頁,之後上一個我平時上嘅網,然後,迷底就解開。

「妳又亂諗嘢⋯⋯呢個酒店預訂網,係我平日同妳一齊睇劇嗰陣,彈出嚟嘅廣告嚟㗎!咁妳都可以聯想到我同另一個女仔『開房』⋯⋯」

牛頓坐喺樹下,中咗個蘋果,發現咗萬有引力;而我就坐喺電腦面前,中咗個大伏,發現女朋友嘅豐富聯想力。

各位女朋友,以後就算妳發現啲咩都好,唔好喊唔好嬲住,聽咗人解釋先⋯⋯