細膽又想畀鬼嚇?迪士尼Halloween少少驚多多趣好抵去!

迪士尼Halloween Time 2017正式開始!914日起至1031日,一連48日,今年同上次一樣都係以「惡人」角色做主題,依然有黑巫婆、邪惡皇后、阿JACK等角色,今年仲首次加入海女巫烏蘇拉!鬼屋方面就沿用去年「詭夢實驗室」做藍本,打造全新版本嘅詭夢實驗室鬼屋!

廣告
廣告

「詭迷宮:詭夢實驗室新篇」用上多個熟悉的迪士尼故事,包括《木偶奇遇記》、《怪獸公司》、《愛麗絲夢遊仙境》、《美女與野獸》及《大力士》。估唔到小木偶都可以係鬼屋出現!至於點解我入咗去2分鐘就驚到喊,係因為我比怪異博士揀中去另一個空間...(哭)

演員的化妝及服裝都十分指細!

今年仲有《魔盗王》加入!係探險世界就會見到佢哋出現,為咗避開一班亡魂,積克船長仲會有可能搵你幫手添架!

廣告
廣告

今日巡遊同往年大同少異,下午嘅「米奇Halloween玩轉大街派對」新加咗互動元素,有得睇之餘都仲可以一齊玩!日頭有可愛嘅米奇同佢啲朋友仔,夜晚就係一眾惡人出巡嘅時候!「迪士尼惡人大出巡2.0」依然有黑巫婆、邪惡皇后、阿JACK等角色,今年仲首次加入海女巫烏蘇拉!

廣告

萬聖節又點少得特別版精品,除了主題服飾,香港迪士尼陸續推出超過80款萬聖節主題商品,其中最唔可以錯過一定係聖節限定版 Tsum Tsum迷你雙面毛公仔!編輯我就覺得南瓜小夜燈真係好可愛!

最後唔少得仲有一系列嘅萬聖節餐飲,有好多款都設計得好有心思,睇得又食得!

迪士尼今年再度推出「雙重節日優惠」,一張門票可以玩哂萬聖節同聖誕節!由即日起至1222日,香港居民只需以港幣$639,即可於香港迪士尼樂園官方網站(www.hongkongdisneyland.com)購買「雙重節日優惠」票,在1223日或之前暢遊樂園兩次,玩盡香港迪士尼萬聖節及聖誕節的精彩活動,更可享有9折購物優惠及一系列餐飲優惠。