[OMG] 逆齡童顏の妻夫木聰,男神十幾年都咁Charm咁有型!

講起妻夫木聰就會諗起佢嘅陽光笑容,印象仲好似停留咗係佢拍《五個撲水的少年》嘅時候。不過妻夫木聰近幾年可能因為年過30嘅關係,接拍的角色大多數都係不愛笑,而且陰暗抑鬱,任何角色去到佢身上都活靈活現,影帝級男神唔係得個名!逆齡童顏嘅妻夫木聰道算出道十幾年都依然超Charm超有型~

當年21歲嘅妻夫木聰因為一套《五個撲水的少年》而爆紅,此電影亦係佢首次擔任主演,仲係多個日本電影頒獎禮得到多個獎!

妻夫木聰嘅戲路真係廣到不得了,日本汽車TOYOTA先前推出嘅《多啦A夢系列廣告》,大雄嘅真人版就係由妻夫木聰出演,而且小夫仲要係山下智久,雖然只係廣告但係角色都神還原!

你以為妻夫木聰拍戲一直都要Keep住個靚仔樣?咁你就錯啦!佢係《惡魔蛙男》挑戰變態殺手,片中光頭無眉毛的陰險造型真係差啲就諗唔出係佢,佢同小栗旬兩個互鬥演技,呢套戲必睇!

今個月香港上映的《思行錄》都係必睇之作!有妻夫木聰之外,仲有同樣好演技嘅滿島光,改編自貫井德郎的同名小說《愚行錄》,此書曾被喻為「最不可能改編成電影」的故事,編輯早於香港上映已經係台灣睇過呢部電影,全片無悶場,每個角色嘅陰暗面都睇到人咬牙切齒,睇完電影仲即刻想去買原著小說睇!

最近妻夫木聰係日本又有戲準備上啦!今次終於唔係陰暗抑鬱電影,係大家期待以久嘅愛情片!改編自涉谷直角創作的同名漫畫,名為《想成為奧田民生的BOY和讓男人痴狂的GIRL》,妻夫木聰飾演一個戇直嘅雜誌編輯,對由水原希子飾演嘅充滿魔性嘅萬人迷靚女一見鐘情,陷入了戀愛的喜悅以及體驗了絕望的痛苦嘅故事,好想睇戇直版嘅妻夫木聰啊!!