今個聖誕獎勵自己!必買美妝Box Set の 第一回

廣告
廣告

聖誕節呢啲咁開心嘅節日梗係要洗錢喇!各大品牌都已經出咗唔同款嘅聖誕Box Set或者限定系列,都知你有選擇困難症,仲未揀好買乜好!就由我哋幫你收縮個範圍,揀咗幾款今年性價比較高嘅聖誕Set,你仲等咩?

YSL /HOLIDAY LOOK 2017年聖誕限量系列

YSL今年用煙火做做系列做主題,以粉紅色金粉點綴,加上標誌性的金色,感覺十分奢華!系列包括限量版多用途彩妝盒、限量版璀璨煙火絕色唇膏、限量版璀璨煙火明彩筆、限量版幻魅甲油。多用途彩妝盒具備4色閃粉眼影,1款粉紅胭脂及2種不同色調的唇膏,一盒就能解決日常妝容所需!

限量版璀璨煙火彩妝盒 / HK$680、限量版璀璨煙火絕色唇膏 (5)/HK$310、限量版璀璨煙火明彩筆 (2)/ HK$340、限量版幻魅甲油 (2)/HK$210

GIORGIO ARMANI/2017 HOLIDAY 節日限定彩妝系列

每年聖誕,ARMANI推出嘅聖誕彩妝系列總是讓人十分期待!今年一改往黑色包裝設計,換上超有聖誕氣氛嘅紅色,盒面仲有「I ♡ ARMANI」字樣,超靚啊!彩妝盒同往年一樣有10色啞面或閃粉眼影,再加2色粉底霜及粉餅。今次更有6色LIP MAGNET 磁魅啞豔唇釉,豆沙色調岩哂秋冬用!

廣告
廣告

HOLIDAY PALETTE 節日限定彩妝盒/HK$830、LIP MAGNET 磁魅啞豔唇釉/HK$310

laura mercier /大師極級彩妝盒 & 輕巧彩妝組合

每年laura mercier都會出唔同配色嘅彩妝盒,今年都有7款任君選擇!當中大師極級彩妝盒就一盒有齊12色眼影、2款highlight、2款眼線膏、1款眼線筆、1款胭脂、2 款雙頭眼妝掃,不論自用或是化妝師工作用都非常方便!另一款輕巧彩妝組合則備有4色眼影,2色胭脂及1支粉色唇彩,小小一盒就算帶出街都方便到極!

大師極級彩妝盒/HK$1080、 輕巧彩妝組合/HK$480

廣告

LANCOME / 2017聖誕珍藏版閃爍美肌彩妝箱

LANCOME今年依舊都有聖誕珍藏版閃爍美肌彩妝箱,從美肌護理到熱賣彩妝再到迷人香氛都一應俱全!凡購買任何Lancôme正價產品滿HK$500,即可以HK$680換購聖誕珍藏版閃爍美肌彩妝箱乙套(總值HK$3,058)

THREE/ 紅葉漫舞眼唇

深愛日本女生歡迎的THREE係今個秋冬推出「紅葉漫舞眼唇組」,由包裝到色調都充滿秋天氣息,集齊4隻顯色度高嘅眼影,以酒紅色作為底色,輕鬆打造出具立體感嘅眼妝!加埋楓葉橙色唇蜜,今個聖誕去party啱哂!

紅葉漫舞眼唇組/HK$700

RMK /魅惑之戀聖誕彩妝組合

今年適逢RMK 20週年,特別與日藉畫家佐藤 翠聯乘打造Seductive Love系列,共推出4款不同聖誕彩妝組合,當中魅惑之戀聖誕彩妝組合齊備4色眼影及3色胭脂,更同時備有啞色酒紅睫毛液及紅色Lip Jelly Gloss,紅色色調更係只限今個聖誕登場限量色!

魅惑之戀聖誕彩妝組合/HK$780

聖誕Box Set又邊止咁少,記得睇埋下個禮拜嘅第二回!