[OMG] 釜山男人最MAN!釜山出身的韓星邊個最Charm?

廣告

要數韓國邊個地區嘅男人最MAN,我諗大家第一時間都會諗起「釜山」!因為釜山男人唔單止方言嘅口音低沈聽起上嚟超有氣勢,性格仲好豪爽同埋調皮,咁你又知唔知演藝圈邊啲藝人出身自釜山呢?

孔劉

大家愛嘅鬼怪大叔原來都係釜山出身!有身高、有太平洋寬肩、又靚仔,講埋句釜山方言,誰受得了!!

南柱赫

又一長腿Oppa!佢仲同志洙係《花美男Bromance》返釜山旅遊添!

李準基

我諗好多人都覺得李準基好女性化,但事實上佢私底下都係Man到爆嘅人,男友力超高!

CNBLUE 鄭容和 & CNBLUE 李宗泫

要提到釜山嘅代表人物,點少得鄭容和!多得佢不斷係提到釜山,先令更多人認識呢個地方(我係!)同隊宗泫都係釜山人,唔好睇佢白白淨淨,其實佢閒時好鐘意不修邊幅地去釣魚(驚)


BTS
朴智旻&田柾國

編輯對智旻嘅印象就係《血汗淚》MV,每次睇都會問「點解智旻睇起嚟可以咁Sexy!」而柾國真係一啲都唔似忙內啊!

WINNER 李昇勳&姜昇潤

WINNER嘅昇潤同昇勳都係為咗追夢而到首爾參加選秀節目繼而入YG做練習生,有一集WINNER TV佢哋仲一齊返咗釜山,遊走當初佢哋努力過嘅地方❤️

HIGHLIGHT 孫東雲

當初認識東雲,真係會以為佢係混血兒!但其實佢係釜山出世,父母都係韓國人,爸爸仲係大學教授!

2PM 祐榮

𧙗榮作為野獸idol 2PM嘅主領舞,近幾年減走咗初出道嘅baby fat,變得越來越有男人味,今年28歲嘅𧙗榮都差不多要入伍啦(哭)

WANNA ONE 黃旼炫&姜丹尼爾&朴佑鎭

一隊WANNA ONE已經有三個成員係釜山出身,姜丹尼爾每上綜藝都幾乎要表演佢嘅方言魅力,真係百聽不厭!而佑鎮都係個想扮首爾人嘅釜山男人,成日一唔小心就會講咗方言(笑)不過我比較想聽旼炫講方言多啲...