[OMG] Set做鎖屏扮男友無難度!邊個男星最BFable?

廣告

作為一個迷妹,相信唔少人都試過Set偶像做鎖屏,之後周圍同人講鎖屏嘅係自己男朋友/老公(笑)而唔會每個男星都係天上星星咁遙不可及,總有啲男星感覺就好似男朋友咁貼地,今次分別揀咗日韓幾位最BFable嘅男星,邊個最啱心水呢?(我:why not both?)

韓國代表:朴敘俊

擁有太平洋寬肩同185身高,光是身材已經超有安全感!加上佢搞笑趣怪嘅性格,難過唔同年齡層都有佢嘅FANS!

韓國代表:HIGHLIGHT斗俊

要講BFable,不得不提「國民男友」韓團HIGHLIGHT隊長斗俊,由7年前開始就已被韓妹們票選為「國民男友」,話見到佢就有想戀愛嘅感覺!因為佢性格唔單止愛開玩笑,鐘意踢波,心地仲好好!

韓國代表:朴寶劍

萌萌嘅朴寶劍既可以係陽光男孩,又可以係保護到你嘅男子漢,呢個反差俘虜哂少女們嘅心❤️

韓國代表:WINNER昇勳

呢個其實係編輯嘅小私心!身為WINNER二哥嘅昇勳不單性格超暖,照顧小朋友同煮野食都有一手,身高有181嘅佢,平時仲好有Fashion season,不論咩Style都可以輕易駕馭,特別係著衛衣嘅時候仲特別BFable!

日本代表:坂口健太郎

到日本嘅代表,最BFable嘅第一名一定係「鹽顏男」坂口健太郎,任何時候都著發出令人安心嘅氣息,加埋瘦長身形,令人好想都擁有一個健太郎啊(哭)編輯身邊嘅女生都好鐘意佢(情敵太多)

日本代表:山崎賢人

點少得「漫改小王子」山崎賢人,雖然成日係日劇電影都扮演高冷強勢嘅角色,但事實上佢係一個「蠢萌」代表,成日比Fans話佢係「外表100分,內在0分」(笑)要做男朋友當然不能太完美啦!

日本代表:福士蒼汰

雖然上個星期,福士蒼汰宣傳有女友了(聽到心碎的聲音)不過都無改佢嘅BFable魅力!福士要幸福啊!!

日本代表:岡田將生

最後係「結衣向日葵」岡田將生,男友視角照任何一照都可以「扮」男友,先收好了!