[LIFE] 新年Gathering點只「魚蝦蟹」?笑餐死嘅集體遊戲推介!

「買定離手喇喂!」新正頭好多人都中意買兩手玩下魚蝦蟹等賭博遊戲,其實除左賭以外,仲有好多好好玩嘅集體遊戲,拜年嘅時候同姨媽姑姐表哥表弟一齊玩啦!

廣告

魚蝦蟹

魚蝦蟹源於南中國一帶,遠及越南皆流行。由於材料簡單,只需要一張紙,三粒骰,一隻碗,幾個人,就可成局,加上玩法簡單,所以新年嘅時候成日見到人團埋一齊玩。

賭大小

買大細都係是一種用骰子賭博嘅遊戲,最常見嘅玩法係買骰子點數大細(總點數為4至10稱作小,11至17為大,圍骰除外),當中亦有其他唔同賠率,比魚蝦蟹複雜一點。有人更說其實買大細是可以計算機率的。

幸運骰

每人5粒骰 , 各自搖完開骰盅比較骰面大細。一齊開始搖骰鬥大,點數最少的就可以再搖,最後骰面大的為勝。

以下係除賭博以外嘅一些新年傳統小遊戲,全部都係用紙同筆就玩到㗎啦:

蒙眼作畫

參加者將眼睛蒙上,每人一份紙和筆。主持人說出一樣東西,蒙眼的人就照著聽到的說話畫出來。所有人完成後,主持人把畫的次序調亂,參加者就估出那張是自己的畫作。

每個人聽到是同樣的描述,而畫出的東西卻是不同的,看看你了不了解自己!

官兵捉賊

用四張紙分別寫著「官、兵、捉、賊」字樣,參加遊戲的四個人分別抽出一張。抽到「捉」字的人要根據其他三個人的面部表情或其他細節來猜出誰拿的是「賊」字,猜錯的要罰,由猜到「官」的人決定如何懲罰,再由抽到「兵」字的人執行懲罰。

這絕對是演技及友情大考驗喔~

大力水手遊戲

兩位玩家在各自紙上劃出一個「田」字圖案,並以猜拳方式進行遊戲。每次猜拳後可在自己的圖案內新增字樣及圖樣,猜贏者劃兩筆,猜輸者劃一筆。依序為在方格內寫上「大力水手」四個字,方格外劃上窗戶(兩個弧形),弧形外插上旗子,最先在窗戶上插上旗子者為贏家。

人少少玩下呢個都幾剌激,好過就咁猜包剪揼呀!

新年係親朋戚友相聚嘅好時光,大家開心玩樂就好,切勿沉迷賭博呀!祝大家新年快樂,每日都開開心心😁