3日2夜!周末極療癒身心靈「女」行!

香港人生活總係勞勞役役,每分每秒都被工作佔據,連半日閒都要偷返嚟,何其慘?適時比自己個腦同身心放放空,哪怕係一時三刻五分鐘!除咗今個月尾可以去中環海濱參加放空大賽,仲可以計劃返一個女生專屬的周末旅行!全心全意扮靚,嘆spa,食餐好,甚至去個短途trip,平衡返個弱小身心靈!要記住,工作從來只係生活的一部分,但千祈唔好將生活成為工作的一部分。

 

3日2夜周末療癒身心靈行程:

A:一人短途旅行
心理學家指出,比起三五成群去旅行瘋狂玩樂,一個人去更有效refresh叉電、克服自身恐懼及快速自我成長。脫離原有慣性生活環境及圈子,能夠有更多時間與自己進行心靈對話,安撫心靈的動盪不安;一個人計劃和解決行程事宜,亦考驗自身的應變及組織力,驅使變得更果斷、勇敢及自信,有助面對日後工作與生活上的挑戰。

一個女仔去旅行,首要條件係安全!近近地去轉台灣或柬埔寨等東南亞地區,遊走異國體驗風土人情同大自然就最適合不過。去海邊漫步,食海鮮大餐,或者落田種菜做一日農夫,食自己摘的有機蔬果,感覺寧舍鮮甜清新。唔到你唔信,其實只要遠離都市5分鐘,成個人就會煥然一新!明明尋晚執行李執到凌晨,但身體仍然好似有源源不絕的力氣湧出,一切源於「旅行安慰劑效應」的心理作用。

難得一人的旅途,可以完全隨心所欲,唔駛顧慮他人意見及目光!一到埗換上喜歡的休閒渡假穿搭:棉質連衣長裙;背心或襯衫配直條紋長褲;小清新碎花裙等。再敷個急救「疲」膚的Fresh睡蓮青春活膚速效面膜,拯救連日熬夜同被飛機艙吸乾水分的乾燥皮膚,對抗肌膚暗啞、膚色不均、乾燥和毛孔堵塞等問題,5分鐘輕鬆令皮膚回復最佳狀態兼貼服上粉,整裝待發好出門玩啦!


(Fresh睡蓮青春活膚速效面膜 30mL HK$230; 100mL HK$560)

 

B.瑜伽營

唔少人會選擇運動減壓減肥,其中瑜伽係一項非常適合女士、講究身心靈療癒的運動。平日早晚最少5分鐘進行瑜伽及冥想訓練,不但可將減肥後鬆馳的皮膚及肌肉變得結實,有效鍛練美好體態;沉澱冥想比起漫無目的放空更有助淨心養性,透過緩慢而清晰的指示完成伸展動作,並進入平和情緒的空間,達至身心靈合一。

先小試牛刀利用周末親身體驗瑜伽營!以下教大家5個簡單入門瑜伽動作,從平日高壓的工作壓力同情緒下釋放自我。只需要專注5分鐘,就可以即時進入境界,聆聽身體每一個部位、每一寸肌膚及每一道內在聲音:

1.全身捲起 Full Body Roll-Up 2.橋式 Glute Bridge  3.貓式 Cat Pose

 

4.側平板式 Forearm Side Plank 5.下犬式 Downward Facing Dog

 

C.慢活模式:水療按摩+敷mask
係女人都羨慕又妒忌的大美人范冰冰,曾透露平日工作幾忙都好,頭髮可以唔洗,但面膜一定唔可以唔敷!為咗保持白滑肌膚,甚至年敷700次面膜!對於平日同樣忙碌的都市女性而言,雖然唔需要日敷夜敷面膜咁誇張,但適時為肌膚保濕同放鬆身心,絕對係保持年輕貌美的不老法則。

尤其星期一至五坐係不見天日的冷氣房工作;出完戶外活動一整日,長時間接觸戶外環境及空氣污染;或做完瑜珈及伸展運動後,通通都會令身體疲倦兼水分流失。一於周末嚟個花香水療按摩,係寧靜舒適的環境下放鬆全身筋骨及紓壓,再加5分鐘敷上Fresh睡蓮青春活膚速效面膜,趕走肌膚繃緊勞累。其以專利配方Super 7全效複合成分配合睡蓮種籽萃跟昆布海藻薄片及紅藻顆粒成分,加速肌膚循環及嫩滑肌膚,瞬間回復青春亮澤,讓身心全面減慢步伐,投入「慢活」模式。

(Fresh睡蓮青春活膚速效面膜 30mL HK$230; 100mL HK$560)

 

D.在家自煮意

女人要靚,除咗要保持心境平和笑多啲、恆常做運動平衡身心發展,仲要食得輕營健康。周末係屋企來個自煮輕食班,研究專屬的健康食譜,享受難得的入廚樂!例如利用百搭superfood牛油果可以自製多道有營菜式:沙律、意大利粉、手卷、班戟、焗飯等,其含有豐富不飽和脂肪、鉀質同纖維,有助解低壞膽固醇同血脂架!正所謂在家千日好,係屋企唔洗見人,自然可以素顏上陣,一邊敷mask,一邊煮輕食;再坐係梳化一邊煲韓劇,一邊嘆美食,多麼寫意!一日三餐自己包辦,唔洗再食街外三高快餐,健康得嚟重可以增強廚藝,做個入得廚房,出得廳堂的好女人。

 

 

.5分鐘健康菜譜:牛油果吞拿魚蛋醬沙律(配麵包)+自製蘋果汁

材料:
牛油果(半個)、雞蛋(3個)、吞拿魚碎(90克)、蘿蔔碎/蕃茄碎(半條/半個)、鹽(少量)、黑胡椒(少量)、蛋黃醬(半湯匙)、蘋果(4至5個)

作法︰
把半個牛油果壓成蓉,加入吞拿魚碎、熟紅蘿蔔碎(或熟蕃茄碎)、熟蛋碎、少量鹽及蛋黃醬拌勻,最後鋪上麵包或牛油果上。同步將蘋果去皮切塊,倒入攪拌機榨汁成果汁。

 

E.Fashion theme party:宇宙紫派對(Ultra Violet Colour Party)

近年愈來愈多女生專屬的bridal shower、theme party,幾個閨蜜呼應主題盛裝打扮,book間party room影靚相、談談心,留下青春美好回憶。主題可謂五花八門:黑夜瑜珈派對、卡通人物大集匯、復古海報女郎、夢幻公主宴會等等,配合精心準備的美酒佳餚同遊戲環節,齊齊渡過一個難忘的周末。想更與別不同的話,今年推薦以「年度pantone colour:紫外光色」作為party主題!除咗decoration、美食及用品都要應用紫色,穿搭上當然亦少不了要有紫色元素,時尚感爆燈!當然最無敵的一定係即染一頭紫髮,夢幻得嚟又呼應主題!

一頭紫髮夠晒搶眼!

 

難得一班好姊妹聚頭3日2夜,仲可以一齊鑽研平日甚少化的妝容及髮型,例如今年大熱的Smudged Eyeliner或者Wob頭,甚至一齊敷返個Fresh睡蓮青春活膚速效面膜,蘊含海茴香萃取及豐富抗氧化物,快速亮滑肌膚同兼長效護膚,再繼續轉換唔同裝扮造型,影多幾百張相,熬夜瘋狂吃喝玩樂都無有怕啦!

(Smudged Eyeliner)  (Wob頭)

(Fresh睡蓮青春活膚速效面膜 30mL HK$230; 100mL HK$560)

了解更多詳情:http://bit.ly/2GQ58AK

(圖片來源:網上圖片)