[KOREA] 韓國童星都係潛力股!長大之後你仲認到幾多個?

韓劇不時都會出現小童星,扮演男女主角嘅小時候,而上一代嘅小童星已經不知不覺間變咗做大人,大個咗佢地唔知大家又認唔認得呢?

廣告

 

金裕貞
1999年9月22日(19歲)
4歲出道

講起童星,一定第一時間諗起金裕貞!剛剛高中畢業嘅佢,本來準備專注演藝工作,但日前傳出佢甲狀腺出現問題,要住院開刀治療,手術後要靜心休養,暫時停止演藝工作,希望裕貞快啲好返啦!

 

金所炫
1999年6月4日(19歲)
8歲出道

另一位又係唔識唔得嘅童星,就係金所炫!佢同男團Highlight成員尹斗俊合演嘅新劇《Radio Romance》,雖然收視就一般,但甜甜嘅氛圍都值得一睇喔!

 

呂珍九
1997年8月13日(21歲)

8歲出道

以前嘅古裝劇,世子嘅小時候幾乎都係呂珍九,最有印象就係佢係《擁抱太陽的月亮》同埋《鬼怪》嘅世子LOOK!佢對上一套劇已經係2017年嘅《再次重逢的世界》,期待佢快啲有新劇出啊!

 

俞承豪
1993年8月17日(25歲)

6歲出道

俞承豪雖然得25歲,但已經係2014年服完兵役啦!佢最近嘅《不是機器人啊》同女主角嘅互動真係好Sweet好Cute!推薦大家可以睇下啊!

 

金香起
2000年8月9日(18歲)

6歲出道

見到金香起,相信對佢都唔陌生,佢咪就係大熱電影《與神同行》月值使者李德春,唔講唔知其實佢已經出道咗12年嘅大前輩!

李世榮
1992年12月20日(26歲)

5歲出道

上週未播咗大結局嘅《花遊記》,入面衰到入骨嘅阿斯女-李世榮都係童星出身,佢當時仲有扮演小長今架!(佢真係好靚!)

 

李玹雨
1993年3月23日(25歲)

12歲出道

想當年,朴寶劍剛出道個個都話佢似李玹雨,咁玹雨去咗邊呢?佢其實已經靜悄悄地就去咗當兵,好期待佢退伍嘅變化啊!