[KOREA] 2018嘅春天係KAKAO FRIENDS嘅春天!可愛產品陪你過個溫暖嘅春天〜


提到韓國嘅公仔一定會第一時間諗起KAKAO FRIENDS!依加去韓國旅行應該都會去KAKAO FRIENDS STORE同Ryan、Apeach佢地影張相打咭,再買佢地嘅精品做手信同自用!編輯幫大家集合左啱啱春季新出嘅產品,鐘意KAKAO FRIENDS嘅朋友快d跟住買啦!

廣告

交通篇

去韓國自由行唔少得要買張韓國「八達通」T-Money黎搭車,今季新出咗LITTLE FRIENDS系列嘅T-Money,咁可愛嘅BB版T-Money點可以唔買?買完就算唔用拎黎儲,得閒望下都開心〜一般便利店都買得到,見到有就好即刻入手,因為以編輯嘅經驗好快就賣晒,食個飯先返轉頭先再買就已經買唔到啦!!

日用品篇

春日嘅陽光揮灑係面上,影相呃Like一流〜但係!絕對唔可以俾自曬黑!因為個人一黑張相幾靚都係無用,個樣點睇都係差少少... 不過搽咗防曬就唔驚啦〜Ryan防曬系列有齊Cushion、Cream同Stick三種質感,實有一款啱你用。Apeach嘅防曬蜜粉仲可以摭毛孔添啊!

Apeach亦有化身近年大熱嘅美妝蛋,用佢輕輕拍開粉底同陰影,妝容貼服又自然〜仲有Apeach嘜頭嘅髮飾,細細粒低調得黎又唔太單調。屬於Friends Everyday嘅呢兩款可以係CU便利店買到〜

出街最怕電話無電!隨身帶定Ryan電線同尿袋就唔驚碌碌下Facebook電話自動熄機啦〜個盒仔幫你收好電線,唔怕拎出黎會打晒結。

Kakao Friends Store最新嘅Friends Garden系列,以花園同野餐做主題推出一系列餐具同文具精品,配色同設計都好有春天柔和嘅氣息,帶去野餐都好feel d〜

食物篇

去旅行要行便利店是常識吧!一於士多啤利奶同朱古力奶做早餐,啜啜啫喱買俾朋友做手信,啱啱好〜

穿搭篇

Kakao Friends x Superga嘅布鞋將會係5月初登場!Ryan同Apeach配搭上最易襯嘅黑白布鞋,簡約路線嘅朋友可以揀淨色加膠扣嗰款,而鐘意pattern嘅朋友就可以揀公仔頭款,編輯私心推薦白色Apeach膠扣款,隻粉紅色襯得太靚啦!!

Kakao Friends真係睇極都唔會厭,呢排會去韓國嘅朋友快d打開你個荷包瘋狂買買買啦!

 

Photo source: kakaofriends.com | Facebook kscctmoney / 세븐일레븐/ CU 당신을 위한 편의점 | Instagram kakaofriends_lab