[OMG] Benedict Cumberbatch魅力誰能扺擋?!5個BC迷唔可以錯過嘅可愛Moment♥️

靚仔有時真係唔係最正,有獨特魅力嘅男人仲吸引過靚仔!Benedict Cumberbatch大家都應該唔會陌生,編輯由《Sherlock》第一輯開始認識佢已經俾佢低沉嘅聲線同成熟沉穩嘅氣質迷倒,成日都開套劇出黎翻煲又翻煲啊♥️♥️♥️

讀唔到"Penguins"

你以為英文係母語嘅人一定識讀晒所有英文字?咁你就錯啦〜好似我地講野有懶音一樣,BC都唔可以好準確咁讀到"Penguins"呢個字!最搞笑係讀唔到"Penguin"嘅佢竟然為之前套動畫電影《荒失失企鵝》配音!!成套戲入面好似冇一次係讀得準(哈哈),佢上節目聽返自己配音都覺得好搞笑〜

同水獺撞樣

雖然發現BC似水獺嗰個人應該係超無聊,但啲表情又真係幾似,可能係因為雙眼同鼻嘅比例形成嘅三角形同水獺嘅比例差唔多?不得不說BC嘅配合度超高,主持畀咩表情嘅水獺佢都照跟足無托手踭,呢種幽默感同無架子真係唔係個個巨星做得到啊〜



唔識畀心心

韓星影想零舍多pose同手勢,最common就一定係畀心心〜前排BC同一班Avengers一齊去韓國宣傳嘅時候當然入鄉隨俗瘋狂畀各種心心,迷你心心、大心心、細心心,但BC冇一個心心係成功畀得到...😂 不過經過一番努力練習,終於都成功畀到心心啦〜

極力阻止Tom Holland劇透

宣傳《Avengers: Infinity War》期間BC都做咗唔少訪問同戲迷分享拍攝嘅點滴,佢仲為咗一班未睇嘅戲迷出盡全力阻止劇透王Tom Holland劇透!!有睇Avengers訪問嘅都知最易爆料嘅一定係Tom Holland,每次BC都會用唔同方法去阻止Tom Holland講出仼何劇情或者威漫未公開嘅計劃,個畫面真係好搞笑〜

超強聲線模仿能力

演員最擅長嘅就係觀察唔同人嘅特色同融合成為劇本入面嘅角色去演畀觀眾睇,BC嘅演技真係無容置疑啊,扮乜似乜!用佢把低沉嘅聲扮石內卜Alan Rickman真係超級似啊!!!"I'm groot"雖然得一句但都超有戲啊〜〜