[KOREA] 單飛不解散?6隊名存實亡嘅K-POP組合💔

AFTER SCHOOL

AFTER SCHOOL除咗長腿之外,最大嘅特色係每次都帶住特別嘅造型同概念回歸,每次都有令人驚喜嘅嘗試!但喺2013年《初戀》以鋼管舞回歸後就冇再出過歌,呢幾年成員一個個咁畢業,依加只係淨返Raina、Nana、E-Young同佳恩四位成員,而睇落公司Pledis Entertainment應該會將所有資源留畀SEVENTEEN同PRISTIN,會再投入團體活動嘅機會極微,應該只係等公司正式宣布全員畢業。

f(x)

就算唔係MeU都一定知道f(x)嘅回歸一直遙遙無期,自從Sulli退出咗心後,組合嘅活動就減少咗極多,對上一次已經係2015年嘅《4 Walls》,Luna同Amber都喺各自嘅社交平台公開呻過想回歸但公司SM Entertainment就完全冇回應。雖然公司話現時f(x)係以個人活動為主,但除咗Victoria同Krystal一個活躍大陸娛樂圈、一個拍劇之外,Luna同Amber就好似被放生咁,好少出現喺螢幕,只係喺今年年頭出咗道合唱歌之後又冇咗影,感覺好似係公司求期畀佢地出隻歌敷衍下佢同MeU就算。喺Victoria喺大陸咁活躍嘅情況下,f(x)都應該幾難再回歸,就算回歸都好大機會係告別作。

MBLAQ

MBLAQ打住Rain親自培訓兩年嘅旗號出道,出道曲《Oh Yeah》已經獲得唔少Fans。到2011年憑《Stay》係海外爆紅之後開始人氣高企,各成員亦開始參演唔同嘅韓劇進一步打開個人同組合嘅知名度。可惜到2014年人氣最高嘅成員李準同天動喺約滿之後唔再同公司J.Tune Camp合作決定退團,令組合人氣下挫,2015年以三人組合推出《MIRROR》之後就冇再回歸,而其後公司亦出現營運問題執粒。依加昇昊同Mir入咗伍服兵役,而G.O就做咗實況主播,收入仲唔錯添!雖然MBLAQ冇正式宣布解散,但編輯覺得就算等兩位成員服完兵役,佢地再重出樂壇嘅機會微乎其微...

SECRET

SECRET最近一次全員回歸已經係2014年嘅《I'm in Love》,之後嘅時間四位成員都係以個人活動為主,直到16年韓善伙合約到期不續約,公司TS Entertainment宣布Secret以三人組繼續活動,但仍然冇以組合名義回歸。直到今年2月宋枝恩喺個人社交網站宣布已經同公司解約並退出SECRET,全烋星亦已向法庭申請判決合約無效,SECRET只淨低鄭河娜一位成員繼續活動。雖然公司冇聲明組合解散,但其實大家都清楚SECRET已經不復存在。

少女時代

二代女團代表少女時代上年年尾Tiffany、秀英同徐玄約滿不續離開SM,雖然公司話成員嘅經理人公司唔再係同一間,但少女時代並唔會解散,團體形式嘅活動會喺慎重討論之後再決定。只係少女都有長大嘅一日,有自己想去闖嘅一片天,加上SM對少時團體活動咁保守嘅聲明,相信將來成員都會專注個人活動,只會喺超特別嘅日子先會合體出紀念專輯。

ZE:A

最後一次回歸已經係2014年嘅《Breathe》... 時完、桐俊、炯植之後開始專注演員嘅事業,光熙亦係2015年加入《無限挑戰》,進入咗個活動嘅時期。到咗2017年全部成員合約陸續到期亦冇同公司明星帝國續約,各自轉咗去唔同嘅公司,但明星帝國就表示組合並未解散,只係成員屬於唔同經理人公司,並且正係專注係個人發展或者服緊兵役。但編輯想問冇任何一位成員屬於明星帝國,咁明星帝國仲有咩方法可以召喚佢地合體出碟...?