[OMG] 原來男朋友可以咁樣分類?動物系男友邊種類型最啱你?

犬系男友

個性活潑黐人,有嗰句講嗰句超級直率,亦好鐘意得閒嗲下女朋友,真係心都溶〜最鐘意同女朋友去唔同地方玩,最重要係會對女朋友專一又忠心啊!!

犬系男友代表:BIGBANG 太陽

貓貓系男友

個性安靜,外冷內熱嘅代表,外表冷淡好似咩都冇所謂咁,但其實會不停觀察,內心渴望女朋友只在乎自己一個,會好依賴自己重視嘅人。

貓貓系男友代表:VIXX LEO

兔仔系男友

比較細膽,做任何事都會好小心,因為本身警戒心強欠缺安全感而好聽女朋友話,亦好鐘意黐住女朋友好想可以永遠留喺佢身邊。

兔仔系男友代表:EXO XIUMIN

豬仔系男友

最鐘意就係食野,女朋友食唔晒嘅野食一定可以幫手食晒〜望落可能會有啲肥嘟嘟又有啲蠢蠢地嘅感覺真係好可愛,親和力亦滿分啊!

豬仔系男友代表:TEEN TOP RICKY

馬騮系男友

貪玩百厭,最鐘意就係整蠱女朋友!女朋友小器啲就弊啦〜(笑) 但除咗鐘意整蠱女朋友之外都會成日做啲搞笑野𠱁女朋友開心,係個大細路黎!

馬騮系男友代表:李光洙

羊系男友

外表溫馴斯文,感覺對人包容又就得人,但內心會對某啲事有份堅持同執着,內外反差萌〜

羊系男友代表:朴寶劍

鹿系男友

鹿系男友可以用「媽朋兒」黎形容,除咗有治癒性嘅笑容之外亦知書識禮,對女朋友更係呵護備至,煮飯洗衫樣樣得!

鹿系男友代表:宋仲基

熊系男友

呢類男友比較MAN,外型大隻啲令人覺得有安全感,同佢去街shopping就好似帶咗個私人保鑣咁〜但佢地有啲不善言辭,唔係好識用言語表達自己,所以通常都會用肢體語言例如熊抱去表達自己嘅愛意〜〜

熊系男友代表:WANNA ONE 姜DANIEL

狐狸系男友

殺死人嘅眼神係狐系男友嘅重點,識得打扮而且了解女朋友心思,亦好識講野𠱁女朋友開心〜口甜舌滑到令人懷疑佢係PLAYER,但其實只會對女朋友甜言蜜語。

狐狸系男友代表:李準