[KOREA] 五代女團戰一觸即發!怪物新人(G)I-DLE係Cube嘅翻身好機會?

最近新人女團(G)I-DLE真係來勢洶洶!出道二十日就已經係《THE SHOW》憑佢地嘅出道曲《LATATA》攞咗第一個一位,兩日後仲喺《MCOUNTDOWN》拎多次一位添!以出道曲拎一位唔易架,女團只有少女時代、2NE1、Miss A、Blackpink同佢地做得到!!(G)I-DLE呢鼓氣勢為五代女團戰打開咗精彩嘅序幕,亦成為公司Cube Entertainment嘅翻身最強武器!六位成員各有來頭等編輯為大家簡單介紹下〜

小娟

只有19歲嘅隊長小娟出道前參加《Produce 101》同《Unpretty Rap Star 3》已經累積咗唔少人氣,團體出道前更加推出過兩首自作solo單曲。(G)I-DLE嘅出道曲《LATATA》係由小娟親自製作,出道曲就係重圍之中突出,真係令人好期待佢以後既作品啊!

美延

1997年出世嘅美延已經係(G)I-DLE嘅大家姐(編輯真係覺得自己老啦),曾經係BLACKPINK預備成員嘅佢實力當然無容置疑,聽佢嘅唱腔亦可以感受到多少YG嘅影子。外貌絕對係門面級別,有APINK初襱加TWICE SANA嘅感覺~

Minnie

只聽主打歌嘅話會覺得泰籍成員Minnie嘅唱腔同音色獨特辨識度頗高,編輯仲覺得有種迷幻嘅感覺幾引人入勝。但如果有聽過佢唱其他cover嘅話會發現原來Minnie把聲好sweet架,可唔可以畀多啲好甜嘅情歌佢唱啊~~

穗珍

穗珍曾經女團VIVIDIVA嘅預備成員,參與過出道前嘅表演活動,但喺正式出道之前就退出咗組合,之後2016年參加咗Cube嘅Audition成功加入Cube嘅大家庭~喺(G)I-DLE出道前嘅弘大Busking表演入面睇得出穗珍主領舞嘅位置當之無愧啊!

雨琦

唔講唔知,中國籍成員雨琦原來係內地重點高中嘅高材生黎!編輯覺得聲線偏低沉嘅雨琦唱慢歌會更有味道,而跳舞嘅實力亦都唔可以睇少!再加上樣子清純可愛,日後無論喺韓國定中國嘅發展應該都會唔錯,希望以後會有更多俾佢表現個人嘅機會啦〜

舒華

「台灣最美麗的風景是人」又一證明(哈哈),台灣籍嘅舒華唔單止係忙內亦係門面,唔笑嗰陣冰山美人嘅形象女仔應該幾buy,而笑嘅時候嗰種天真無邪嘅感覺啲男仔又好受,男女通殺真係冇得輸啊!!!

外籍成員佔咗一半嘅(G)I-DLE似乎已經瞄準咗海外市場,希望吸納更多唔同地方嘅Fans,將市場擴展到最大。希望(G)I-DLE可以食住個勢,喺未來嘅五代女團戰之中企穩陣腳啦!(只要公司汲取以前嘅教訓,編輯相信一定冇問題,哈哈)


<LATATA> MV

唔知呢種曲風可唔可以形容為「中東風」呢(笑),不過喺K-POP入面咁特別嘅風格又的確可以引起韓迷注意。不過有人話Girl Crush路線係韓國本土其實唔會大熱,始終都係清純派最啱佢地口味,但希望(G)I-DLE可以殺條新血路,用Girl Crush去征服韓流啊~

<LATATA> 練習室版本

出道前弘大街頭表演

美延 MINNIE <Love Scenario> Cover

兩個主唱嘅音色都超清澈,聽到編輯不停LOOP啊~❤❤❤

穗珍 雨琦 - 2018 Idol Dance Medley