[HER] 男友力MAX嘅女藝人!除咗HANI你仲會諗起邊個?

HANI 哈妮 @EXID

HANI成日俾人叫做HANI OPPA、安哥而唔係UNNIE,絕對係因為䁔心嘅HANI實在太MAN,經常性留意到身邊嘅人有咩困難或者危機,再去出手幫忙解決,就好似每次遇到難題都會幫手處理嘅男朋友一樣啊〜

Dream Concert Finale嘅時候有大前輩NRG紳士地讓佢地嘅羽絨俾EXID等佢地唔好冷親,HANI接受完前輩嘅好意後見到身邊同樣衣衫單薄嘅SUNMI,就即刻行去攬住佢包佢入件羽絨入面一齊保暖,超sweet啊〜 (影片2:20開始)

HANI亦同樣好照顧後輩,16年嘅歌謠大戰見到身邊嘅TWICE SANA同MINA裙太短又冇毛氈畀佢地摭住雙腳,就即刻讓咗自己用緊嘅咕𠱸畀SANA同MINA,成功防止到佢地走光嘅HANI仲流露咗個超滿足嘅表情,MAN得黎又好CUTE!

EUNJI 恩地 @APINK

APINK恩地亦係成日俾人叫做OPPA嘅女偶像,除咗貼心照顧成員,一但發現佢地有走光危機就出手相救之外,同HANI一樣都會成日照顧其他人添啊〜喺某年嘅中韓歌會入面,身為SOLO歌手嘅IU當然冇任何「成員」喺身邊,企喺附近嘅恩地見到孤零零嘅IU就好窩心咁主動行過去陪IU,等佢唔洗自己一個人〜

低調嘅SOLO歌手HEIZE都俾恩地解救過啊〜 (影片2:35開始)

除咗好識照顧其他人之外,恩地嘅身型亦絕對男友力爆發啊!咁結實嘅背肌同手臂連男朋友都未必有啊!!

🏋🏻‍♀️🔥

A post shared by @ artist_eunji on

SINB 信飛 @GFRIEND

有次GFRIEND準備出國參加Fan Meeting,喺機場因為記者加上FANS嘅人數太多令場面混亂,有FANS同成員UMJI嘅距離太近嚇咗UMJI一跳,SINB見到即刻捉住UMJI隻手再拉佢埋身邊,喺人群之中保護住佢一齊行,男友力爆發!(影片1:58開始)

SUNMI 善美

雖然前面就講咗SUNMI俾HANI一秒抱實好似受保護動物咁,但其實SUNMI都有佢男友力爆發嘅一面架!SUNMI最近喺節目《秘密姐姐》入面同SEULGI配對做姊妹,喺最新一集入面SUNMI同SEULGI一齊去食飯,離開大廈先發現外面落緊雨,SUNMI第一時間係摭住SEULGI而唔係自己,到後來有摭擋雨嘅時候亦將把摭傾向SEULGI等佢唔好俾雨淋到,呢樣都真係唔係個個男朋友都做得到架! (影片22:30開始)