[KOREA] 可能係偶像都唔想睇返嘅黑歷史... 5個令人難以理解嘅宣傳造型!!

造型呢樣野對藝人黎講真係一失足成千古恨啊!所有造型都有晒相同片儲存晒喺網絡世界,想delete都delete唔到啊!!咁就唯有好好面對呢啲個人歷史,接受過去啦。(哈哈)

廣告

SHINEE - LUCIFER

UM... 老實講編輯睇MV cap圖嘅時候真係忍唔到一邊cap一邊不停笑,因為LUCIFER呢個造型可以話係SHINEE黑歷史之最,無論係髮型、化妝定服裝都係超級奇怪,得珉豪嘅造型算正常啲啲...

溫流中分嘅髮型,唔知有咩用嘅護膝,手臂好熱但背脊好凍嘅毛毛背心外套,造型師你真係覺得咁樣好睇咩?🤦‍♀️
向外伸展嘅箭豬頭相比起鐘鉉身上嘅衫已經唔算係啲乜。全黑造型前面睇冇乜野,但一轉身見到個大窿即刻令人覺得費解。
Er... KEY個髮型真係太出事,右側剷青,但其餘頭髮就留長,仲要兩part染唔同色,只可以話實在太前衛。全黑造型嗰個好似阿姨啲太陽帽咁嘅頸飾又係唔知咩事🤷‍♀️
唔睇真啲都留意唔到珉豪件外套前面睇係銀色,原來背面係透明磨砂黎,見到佢件白色背心架。另一件黑色網衫搭白色背心係想做透視性感?
泰民應該係呢次造型入面嘅最大犧牲品,水母頭+aerobic老師造型+綠色膠片帽+超巨型單隻護膝,搞到泰民成個怪叔叔咁😑
全員一次過睇,不 · 得 · 了。


p.s Sherlock嘅造型其實都不惶多讓
p.p.s 係啊,泰民又係最出事嗰個啊


EXO - MAMA

珠片、金屬色同反光物料可以話係MAMA造型嘅要點,總之身上就係要有啲野見光就識閃閃下〜但編輯就覺得男仔身上用珠片好似格格不入咁咁🤷‍♀️仲有MV個勁誇張嘅化妝,畫到佢地都唔知邊個打邊個咁,但新人唔係其實應該show多啲樣等人快啲認得佢地嘅咩〜

閃啊閃,仲閃過SHINEE。
EXO認人大賽開始!!雖然大頭影得幾個,但其實12個都有畫晒呢個咁誇張嘅妝。


少女時代 - WORLD TOUR "GIRL&PEACE"

我諗呢個全粉紅造型其實唔洗畀圖大家都腦海自動浮現到個造型,編輯要封佢為少時出道以黎最失敗造型。首先呢隻粉紅色真係好醜好醜,sharp到連少女時代都駕馭唔到。其次,九件衫嘅cutting都超級奇怪,下身條「裙」唔長唔短咁,個個一係再搭多條pattern奇怪嘅legging,一係就着多條短褲,咁點解唔直接造長啲條裙或着褲算?SM Stylists可唔可以話我地知點解?SONE們求解啊😑

難得少時仲好專業咁保持微笑〜

同場加映少時HOOT時期嘅金色貼身連身褲加銀色長靴造型(2:21開始):


2NE1 - I’M THE BEST

雖然然2NE1係GIRL CRUSH嘅路線,再加上公司係YG所以風格上會大膽少少,但I’M THE BEST嘅造型真係唔係一般人可以理解同接受得到...

CL係要表解鎖術定係啲乜野,點4解件衫全部都係鎖仲要鎖埋佢對手?下面set衫幅大陽眼鏡又係奇奇怪怪😂
朴春先有一套全身漆皮嘅短裙加legging,胸嘅位置仲要加又長又尖嘅鍋釘,真係唔小心啲都會拮到自己。粉紫色配黃邊貼身裙顔色同花紋都奇怪,然後手上又戴隻幾何形狀嘅膠片手鈪,編輯表未理解唔到。
如果小朋友睇到DARA嘅頸飾可能會問姐姐係咪整親條頸,實在太似頸箍,仲要係個鏡面頸箍。免耳帽果套編輯唔講太多,心照啦😂
MINZY個鐵圈頭飾編輯諗就算俾埃及妖后都唔會用,再加個鋼鐵bra(er...) 而下面嗰套唔知點解有陣MK味...
睇到呢度編輯已經冇氣,DARA個火焰頭同CL個牛角頭係想點?


GOT7 - Girls Girls Girls

JYP係大公司,旗下團體應該有足夠資源去搞造型,但唔知點解會搞到GOT7個出道look好似返咗十年前咁,好·娘。全員全身同一個迷彩pattern,重點推介Jackson嘅超低浪褲,BAMBAM前面執金色頭髮都不容忽視,加上頸上大大條嘅頸鏈,有陣MK味...

BAMBAM執毛毛真係幾搶眼下😓
全身迷彩加大大條金鏈就於HIP HOP?