[LIFE] 小丸子都係金句王!小學生嘅說話都可以成為大人嘅心靈雞湯〜

依家啲小朋友一代比一代早熟,有時佢地講嘅野真係會一嗚驚人架!就好似小丸子咁,你以為只係畀小朋友睇嘅卡通咁簡單?其實當中有啲對白都會令大人有所體會,甚至可以慰藉到心靈添!

廣告

凡事總有辦法解決

就算件事幾差幾麻煩都好,只要花啲心機同時間處理,到最後都一定會解決到。加油!


其他人對你有期望係好事

其他人對你有期望係因為相信你嘅能力,雖然係會有壓力,但亦都可以推動自己成為一個更好、更強嘅人。


平凡有罪咩?

每個人都有自己鐘意同適合自己嘅生活,想過得平凡一啲並冇問題,唔洗個個都活得轟轟烈烈嘅〜


原本嘅你就已經好好好

你本身嘅個性已經好好,唔需要為其他人嘅目光而強行改變自己,做自己就係最好嘅你。


人不可以貌相

唔好睇見我細細粒以為我好恰,我可以做到嘅事分分鐘比你多好夠、能力強過你N倍!!


唔洗理啲無聊人

世間上嘅無聊人實在太多,遇到佢地唔洗晒時間理佢地,好好利用時間充實自己、做好自己仲好啦〜


休息係為咗行更遠嘅路

再強勁嘅鐵人都會因為磨損生銹而壞嘅一日,不如適時停一停、叉叉電、保養一下,條路會行得更長遠更寬闊。


始終係屋企最好

有永遠支持自己嘅屋企人、暖笠笠嘅床、食唔完嘅野食,仲有電腦、電視、冷氣等等等等,屋企唔係最好仲有邊度係?


每個星期日晚都好想可以返返去朝早

嗯,編輯認為除咗小丸子之外,所有打工仔同學生其實都係咁諗!!(哈哈哈哈哈哈哈哈哈哈)