[HER] 泫雅從14歲到26歲:「性感小野馬」是如何鍊成的?

「性感小野馬」泫雅啱啱上星期過咗26歲生日,又大一歲唔知泫雅又會對大家展現一個點嘅自己呢?出道11年嘅泫雅經驗豐富,編覺得泫雅可以話係K-POP嘅標誌性人物,就算有追開韓流都會有聽過佢個名!

廣告

2007年:Wonder Girls

2007年泫雅以14歲之齡出道,成為WONDER GIRLS嘅RAPPER同領舞。年紀少少嘅泫雅喺出道曲《IRONY》入面嘅衣着已經比其他成員性感,姐姐line譽恩、先藝都摭晒大脾,先藝都只係露咗少少腰,反而屬於忙內line嘅泫雅就着熱褲同短版恤衫以小性感形象示人,初出道時期嘅泫雅就已經令人感受到佢嘅與眾不同啊〜JYP仲話過長大嘅泫雅會好驚人,睇黎眼光真係好獨到!(只可惜佢又自己放走晒啲人,哈哈)

但因為受到慢性腸胃炎長期影響身體,泫雅喺完成後續曲《TELL ME》嘅錄音同MV拍攝之後為咗健康而退出咗WONDER GIRLS,因為泫雅退出《TELL ME》亦加入新成員宥斌重新錄制。退出後泫雅繼續以JYP練習生嘅身份邊休養身體邊練習,慢慢調理身體等待下一次嘅出道機會!


2009年:4MINUTE

經過2年嘅休息同調整,泫雅喺CUBE Entertainment社長嘅邀請下過檔,並以4MINUTE身份再次出道!4MINUTE唔係行性感風,以獨特有個性嘅風格吸引咗一班FANS,憑第二首主打歌《Muzik》就已經成功得到一位嘅寶座,之後嘅發展亦一帆風順,每次出新歌都創造新嘅顛峰!由個性慢慢轉向Girl Crush風格嘅4MINUTE喺造型上一直都冇過於大膽嘅性感,但泫雅仍然係隊內嘅性感擔當。適合4MINUTE尺度嘅性感,令人感受到泫雅嘅性感係從骨子裏散發出黎,而唔係單靠少布。(編輯好鐘意4MINUTE嘅風格,可惜天下無不散之筵席😢)

《HOT ISSUE》

《VOLUME UP》

《What's Your Name》

《CRAZY》


2010年:性感SOLO《CHANGE》

以4MINUTE身份出道一年之後就有SOLO嘅機會,冇幾多韓團嘅成員做得到,可想而知泫雅有幾強!首次SOLO真真正正咁行性感風格,一發布就上咗熱門搜尋


2011年:《BUBBLE POP》& TROUBLE MAKER

承接住《CHANGE》嘅勢泫雅推出咗首張個人迷你專辑《BUBBLE POP!》,走陽光路線嘅《BUBBLE POP!》比《CHANGE》更加性感!!除咗活潑嘅節奏之外低胸背心加超短褲、下衣失蹤等等嘅造型吸唔少人日日LOOP佢個MV,平均一日播100萬次成為YOUTUBE熱門,就知泫雅真係勢不可擋!!

到下半年TROUBLE MAKER推出嘅時候真係有超大回響啊〜一男一女嘅組合唔單止為韓流帶黎新鮮感,而且佢地行嘅嗰種男女之間情感糾纏嘅風格真係睇到大家入晒神,更令泫雅性感女神嘅形象更上一層樓!最經典當然係泫雅同賢勝喺2011年MAMA嘅表演,本來只係點到即止嘅借位錫變咗現場嘅真KISS啊!!!!!!!當時真係令唔少4Nia同B2UTY心碎一地💔💔💔💔💔 (影片3:53開始)

不過TROUBLE MAKER之間情迷意亂再加對愛情義無反顧嘅感覺真係為泫雅嘅形象再加幾分,令人更期待以後嘅泫雅。


2012:《江南STYLE》PSY女郎全球爆紅

當年《江南STYLE》嘅威力相信大家仍然歷歷在目,全世界幾乎人人都識得跳「騎馬舞」,人人都識「Eh〜Sexy lady〜O O O O OPPA GANGNAM STYLE〜」,喺PSY身邊嘅泫雅當然亦憑佢嘅可愛性感魅力吸引咗更多世界各地嘅FANS,人氣再推高啦!


2016 - NOW:4MINUTE解散 個人發展

4MINUTE因為成員約滿唔續約而決定解散,只有泫雅簽續約以SOLO歌手繼續歌手生捱。《HOW‘S THIS》、《BABE》、《LIP & HIP》繼續泫雅嘅大膽性感風,一舉手一投足都好似同觀眾講緊「你只可以望住我一個,我就係女皇」,LIVE舞台嘅感覺更加強烈,只可以話泫雅由WONDER GIRLS嘅忙內到依家真係成長咗好多、強大咗好多!!

2017年同兩個師弟組成嘅TRIPLE H亦可以話係泫雅嘅新突破,以師姐嘅姿態帶住兩個師弟,又係另一種風範同感覺。

無論係外型上定音樂上都感受到,比起以前嘅泫雅,依加完全獨立發展少咗份稚氣,多咗份成熟女人嘅味道,希望泫雅喺未來可以帶更多佢嘅音樂畀一眾Aing〜!泫雅加油!