[BEAUTY] 唔洗再搵代購?日本人氣美妝@cosme store登陸香港!

女仔們去日本當然要掃藥妝店啦!好多時我地都會跟住cosme推介no.1嘅推介去買,而家佢嘅實體店開到香港啦!好多我地去日本會大手入貨嘅產品呢度都有,有啲牌子仲要係首次係香港出現添呀😍 以下編輯推介5大香港人未必好熟悉嘅牌子, 全部都好受㗎妹歡迎,性價比亦好高,快啲約埋閨蜜一齊去行啦🤩

CHACOTT FOR PROFESSIONALS

Chacott 是一個芭蕾舞相關產品品牌,化妝品亦是為舞台表演者而設。推介HD蜜粉,自然透薄持久貼服,仲有好多唔同種類、顏色,一定搵到啱自己皮膚嘅型號!編輯會推介透明763色,裸妝感100%!

CHIPIE AVANCE

CHIPIE在法語裏指的就是「任性的女人」,見到佢粉系Tone色彩繽紛嘅包裝已經任性地好想買晒返屋企!呢個牌子嘅理念都好簡單:就係滿足現代女性任性的妝容需求。主品牌AVANCE,一直係cosme大賞no.1,特別係睫毛美容增長液。編輯推介靚到爆燈嘅掃,又靚又滑無得輸!

LE WATOSA

品牌創辦人本身係設計師,所以將時尚風格加入產品包裝,一䏲就覺得充滿現代感。但絕對唔係得個樣,係內外兼備,編輯推介佢嘅482號色唇膏,係渡邊直美最愛色號,顯色又易推,難怪直美都推介!

DAZZSHOP

品牌產品色調豐富,無論胭脂、唇膏、眼影、連眼線筆都有好多隻色比的地選擇。編輯推介炫光寶石眼影凍,啫哩質地嘅眼影真係好少見,凍冰冰嘅質地搽上眼超服貼,夠水潤仲唔會浮粉,可以keep到成日!而且每一隻色都好易襯,單層擦低調閃亮,多層疊擦奢華感激升!!

@cosme nippon

@cosme store自家品牌,日本每個地方都有當地傳統、自然同飲食文化所孕育出來嘅美容成分。  呢啲「好野」往往只有內行人先知道,@cosme nippon就從日本各地將佢地挖出來,配合現代護膚技術將好野分享比大家!呢個自家品牌性價超 級 高!每樣產品都以日本唔同地方嘅優質天然成分製造,價錢又大眾化,難得小資女喜愛。編輯推介唔係大熱產品「沖繩面膜」,而係金箔粉,同一般碎粉用法一樣,但化好成個妝之後輕掃一層上面,即刻充滿光澤感,皮膚好似即刻好咗咁,影相都精神啲,重點佢唔會好似登台咁閃得勁,係日本女仔化妝嘅小心機法寶!