[KOREA] 即使解散仍然感情不變 4隊好聚好散嘅女團!

娛樂圈睇落幾光鮮亮麗都好,始終都係個弱肉強食嘅殘酷嘅世界,有時可能連同團嘅成員都係競爭對手,關係就只係一般同事甚至有啲仲會不和添!所以可以同成員互相扶持鼓勵到最後嘅真係一種幸運黎〜

廣告

SISTAR

今年係第一個冇夏日女皇SISTAR嘅夏天,唔知大家有冇同編輯一樣覺得好似差咁啲野咁。😢《LOVING U》、《TOUCH MY BODY》、《I SWEAR》、《SHAKE IT》編輯到依家都仲聽緊啊!可惜SISTAR四位成員都有唔同嘅發展想去實踐,所以商量後決定就算喺一線嘅位置,都和平解散各自發展,喺最輝煌嘅時期轉向新嘅一頁。成員嘅關係並冇因為解散而改變,仍然好friend,前排寶拉仲喺IG post咗同孝琳去玩嘅相添!

解散之後仍然一齊去玩,感情唔深厚點會咁做?〜
久唔久都會全員合體啊〜
最後一首主打歌《LONELY》感覺比較悲情,有份不捨嘅感覺啊〜😟

WONDER GIRLS

二代天團WONDER GIRLS都逃唔過解散嘅命運,佢地決定喺成軍十年嘅日子宣布解散,獨立發展之後成員之間都仲有互相支持打氣!喺WONDER GIRLS最後一首歌公開之後,已經退團嘅先藝同昭熙都有同成員聯絡為佢地打氣,昭熙仲特登唔用平時用嘅iTunes聽歌,而用Melon聽佢地嘅新歌幫手打榜添!後來亦有一次前成員泫雅同善美嘅SOLO曾經試過喺音樂節且入面成為對手,結果善美喺呢場競爭贏咗,泫雅冇失望之餘仲即刻攬實善美恭喜佢,果然係一日戰友一世戰友啊〜

RAINBOW

RAINBOW一向都出咗名感情好,約滿都選擇共同進退,全部成員都一致唔再續約舊公司DSP,各自搜找新嘅發展方向。雖然依加佢地屬於唔同公司,但佢地嘅團魂從來未消失過〜出道八週年嘅時候佢地一齊去咗釜山旅行慶祝,成員都喺百忙之中抽時間見面一齊玩實在難得啊!唔知可唔可以期待一下佢地十週年會重組,再有特別企劃,出返首歌同一班RAINNOUS見下面咁呢?〜

STELLAR

性感無上限嘅STELLAR不敵成績未如理想,最終喺今年2月最後一次嘅Fan Meeting之中宣布解散!解散前已經約滿退隊嘅前成員佳英同田律都有出席,明明可以置身事外但都抽時間黎撐場,絕對係義氣嘅表現啊〜