體操王子AUTHUR NORY本身係學柔道而唔係體操?巴西小鮮肉嘅亞洲女神又係邊個?

巴西體操王子Arthur Nory前排黎咗香港,編輯當然唔會錯過見小鮮肉嘅機會同佢做咗個訪問,幫大家了解一下呢個只有24歲嘅奧運體操銅牌得主啊〜!

如果冇學體操依家可能係個柔道選手

Arthur Nory最初原來係跟隨爸爸學柔道,後來因為被體操柔軟但有力嘅動作吸引,而加入咗巴西嘅體操中心學體操,自始就開始佢嘅體操運動會生捱。第一個偶像係巴西著名嘅體操選手XXX,為咗可以好似偶像咁做出利落嘅翻騰動作同見偶像一面,Arthur Nory可謂刻苦耐苦,最後成為奧運選手,努力冇白費啊〜

困難無阻挑戰個人極限

因為實在太鐘意體操呢項運動,無論係幾大嘅挑戰都好Arthur Nory都會用熱情去克服,一次又一次咁挑戰自己嘅極限,誓要達到更高水準!

下屆奧運要攞金牌!

喺上屆奧運自由體操項目拎到銅牌嘅Arthur Nory有更遠大嘅目標,揚言要喺下一屆奧運拎到金牌!!(編輯會坐喺電視前面為你打氣!你一定得架!!)

香港女仔好可愛

問到Arthur Nory覺得香港女仔點,佢就話覺得香港女仔都好nice好可愛,最緊要係靚!聽到Arthur Nory咁講編輯已經急不及待要同Arthur Nory做個理想型世界盃,睇下香港女仔係唔係真係咁吸引佢?〜

Authur Nory 亞洲理想型世界盃

編輯為Arthur Nory精選咗10個黎自港、台、中、日、韓嘅美女代表,以一對一晉級嘅方式揀出佢嘅亞洲女神!最後由香港代表湯怡勝出,得到湯怡靚相一張嘅Arthur Nory超開心呢〜😛

(左上到右下) 潤娥、宋慧喬、湯怡、文詠珊、黎姿、楊冪、迪麗熱巴、新垣結衣、張鈞甯、林志玲