[KOREA] 韓國偶像造型全靠公司!YG、SM、JYP宣傳期Style邊種最好睇?

偶像嘅造型全靠造型師幫手包裝,就得公司風格黎又要配合組合行嘅路線,仲要再按偶像個人喜好同特質去幫佢地揀衫真係辛苦晒〜一年有咁多個舞台咁多場表演,每隊組合嘅造型都唔同,你又有冇留意造型其實三大公司係有各自嘅主流Style?

YG

#華麗 #型格 #時尚達人

YG歌手嘅星味唔洗多講大家都感受到,為咗襯返佢嘅超強氣場啲衫當然會揀得華麗啲,加上係HIP HOP風格,造型當然會係型格啲Cool啲,佢地嘅風格會令人覺得係屬於高端時尚〜除咗造型師嘅功力之外當然唔可以忽略佢地歌手例如G-Dragon、Jennie本身嘅Fashion sense,亦令佢地嘅造型更有時尚嘅感覺!

編輯超鐘意Jennie嘅造型,完全凸顯佢嘅完美小蠻腰!
得到老佛爺Karl Lagerfeld青睞嘅GD嘅時尚感應該冇人會質疑啦〜

SM

#主題性 #團體 #潮人穿搭

除咗真係為舞台而設計嘅造型之外(姐係少時LION HEART嗰種),韓迷成日都話SM嘅時尚全靠顏值支撐,佢地着嘅衫如果係由路人黎着,肯定會係時尚災難!不過近期SM嘅造型師開始「貼地」咗,不論係SHINEE定係RED VELVET嘅宣傳造型都唔再難以理解,只係比較跟貼潮流,通常係喺潮流雜誌先見到嘅造型,唔再係啲「手臂好熱背脊好凍」、「突然穿個大窿」嘅奇怪時尚。

睇埋:[KOREA] 可能係偶像都唔想睇返嘅黑歷史... 5個令人難以理解嘅宣傳造型!!

TTS呢個團體「黃黑配」好明顯係for stage only,如果着出街都應該幾引人注目下。
SHINEE嘅衫終於冇亂穿窿啦,不過潮人Style真係唔係人人都carry到。

JYP

#簡潔 #日常時尚 #路人可穿

JYP嘅Style喺三大公司黎講相對最貼地,只係比Casual多加咗一啲細節去增加舞台嘅感覺,令偶像們睇落有星味啲但又唔會過份有距離感,超符合JYP旗下組合鄰家少女少年嘅形象。想模仿偶像Style嘅可以考慮JYP偶像嘅造型,着出唔會太誇張引人注目〜

白衫牛仔褲,你同我都carry到〜
想要街頭型男LOOK可以睇下GOT7!