[KOREA] 韓星逆襲的神話!6首神曲奇蹟爆紅橫掃音源榜🎶

大家都應該知K-POP市場產量大,流行曲黎得快又去得快,通常推出嘅時候開始打入各大音樂排行榜,但隨住時間同熱潮過去排名就會慢慢下降跌出榜外,好少機會會再次回鍋入榜。不過凡事都有例外,一齊聽下呢幾首打破常規嘅逆行曲啦! (唔計每年唔同季節慣性入榜嗰啲,例如《벚꽃 엔딩》嗰啲啊~)

廣告

EXID《UP & DOWN》

呢隻唔洗多介紹,大家都知道《UP & DOWN》人氣突然回升到俾音樂節目召回,全靠一段HANI表演嘅Fan Cam!喺佢地諗住「盡地一煲」呢隻歌唔得就放棄既時侯,幸運女神就突然降臨喺佢地身上,成功闖上事業高峰,成為奇跡女團啊〜

MOMOLAND《BBOOM BBOOM》

MOMOLAND成名曲《BBOOM BBOOM》初回歸嗰時成功打入TOP 100嘅排名,但係係近榜尾嘅位置。直到一星期後佢地上音樂節目《M COUNTDOWN》拎到一位之後,唔少人因為被洗腦而去搵隻歌黎聽,再加上疑似抄襲《MI MI MI》嘅傳言,令《BBOOM BBOOM》逆流而上到TOP 5嘅位置〜

睇埋:[KOREA] 如有雷同實屬巧合?6首同歐美歌曲相似嘅K-POP主打歌!

TWICE《LIKE OOH-AHH》

依加大紅大紫嘅TWICE喺啱啱出道嘅時候成績其實唔係超級標青,第一首主打歌未有拎到任何一位寶座。到2015年尾佢地拎到新人獎之後受至樂迷關注,《LIKE OOH-AHH》喺2016年年頭重新打入各大音源榜,再重返音樂節目做第二次宣傳,仲連續幾個星期處於一位後補添!自此之後TWICE就成為咗韓國最紅嘅女團啦~~

NU‘EST《HELLO》

有睇第二季《PRODUCE 101》嘅Fans都會知道,NU'EST喺節目入面亮眼嘅表現除咗令成員旼炫成功加入WANNA ONE之外,亦成功重新引起大眾嘅目光去留意NU'EST呢隊組合🎶!大家都留意返NU'EST以前嘅作品,所以呢首《HELLO》就重新入榜,NU’EST都成為咗逆行DOL嘅代表之一。(其實《HELLO》啱啱出嘅時候已經好鐘意隻歌,即刻加咗落Playlist度嘻嘻)

LEE HI《BREATHE》+  JONGHYUN《LONELY》

呢兩首歌推出同重新入榜嘅時間都有啲差距,因為一班Fans懷念鐘鉉而令呢兩首歌重新入榜。