姊弟戀又有乜好怕喎!愛上「弟弟」嘅5個好處💖

以前會覺得姊弟戀唔係咁好因為男朋友係要嚟依賴唔係揍架嘛👉🏻👈🏻 但係睇到唔少明星藝人嘅姊弟戀可以開花結果,應該係有佢吸引嘅地方嘅🤔 究竟姊弟戀係有咩咁好令一班姐姐死心塌地呢〜〜

廣告

1.「弟弟男友」超可愛

依加人人都話小鮮肉有幾正有幾可愛,姊弟戀身邊就私有化咗一個小鮮肉啦🙈 唔似啲成熟哥哥成日都喺度講道理,單純嘅弟弟男友一出嗲功姐姐女友就招架唔到,即刻心都溶埋😚

2. 滿足「被需要」嘅感覺

作為年紀大啲嘅姐姐當然要負起照顧弟弟嘅責任!做姐姐女友唔單止可以展現獨立一面之餘,仲有能力照顧其他人,滿足嗰種「能力越大,責任越大」嘅感覺,完全係個新時代女性啊〜

3. 保持心境年輕

所謂「三年一個gap」,如果弟弟男友細女友三年嘅話童年、潮流、環境等等已經好唔同,所以同弟弟男友相處一定可以接觸唔少年輕一代嘅潮流同諗法,keep住個人update冇咁易變老餅!

4.「弟弟男友」多花臣

年紀大啲嘅男友已經唔會再有心機去搞啲咩驚喜去𠱁女友開心,做乜要特登搞咁多野先平平淡淡咪幾好?但「弟弟男友」就唔同啦〜有年輕嘅精力同心思去每日帶畀你新鮮感,分分鐘會有初戀嘅感覺添啊💗

 5.「弟弟男友」其實都可以依靠

「人不可以貌相」,弟弟男友睇落好天真無邪係個大細路咁,但其實佢哋都可以好man咁保護姐姐女友!可能只係為你擋雨、喺好逼嘅地鐵入面攬實你,但呢啲moment都已經可以充份感受到被保護嘅感覺啊☺️