[EATGIRL] 仲飲黑糖珍奶?「花甜果室」鮮果飲品又靚又好味

最近最hit嘅台式飲品一定係黑糖珍珠鮮奶,老X堂開咗咁耐依然平日假日都人頭湧湧,就知係有幾受歡迎。但其實黑糖珍奶真係超高卡路里,日日飲實變肥妹仔,如果有啲冇咁肥又健康嘅選擇就好啦!

編輯咁啱就喺尖沙咀搵到間天然鮮果飲品店「花甜果室」,原來同黑糖珍奶一樣都係嚟自台灣架〜佢地啲飲品係用新鮮生果現打整成,味道天然清新唔會太甜或者有好假嘅果汁糖漿味,而且各種漸層賣相真係超靚超夢幻啊😍💗

芭比情歸何處

人氣no.1嘅芭比情歸何處由草莓、藍莓、燕麥再加鮮奶打成,鮮奶調淡咗士多啤梨同藍莓嘅酸味,天然甜味超好飲!粉紅+粉紫+白色嘅漸層賣相仲打咭一流添啊💕

鈕扣

用覆盆子、甜蕉、鳳梨、甜橙、蜂蜜、Perrier同花朵打成嘅鈕扣味道酸甜清爽,絕對係夏天最refreshing嘅選揀!杯底嘅覆盆子粒粒仲可以咬下增加口感,好過咬珍珠啦〜

她,與他的香水味

聽個名已經覺得佢係優雅feel🤔 入面有火龍果、蘋果、手感優格、蜂蜜同蜜椰絲,應該係加咗yogurt嘅關係,飲落質地濃厚,同埋味道係三杯飲品之中最sweet嘅!BTW支鬚鬚棍好可愛😛

 

佢地仲推出咗儲印仔計劃,每款飲品都有對應嘅顏色,儲滿會送四杯飲品架!!同friend一齊夾埋儲應該好易儲,仲要咁健康應該日日飲都唔怕,好快就儲得滿又有得免費飲🤤


花甜果室
地址:尖沙咀加連威老道52-52A號地下C號
營業時間:週一至週日 12nn -10pm
Facebook Page:花甜果室 香港