[KOREA] 韓星唱廣東歌?分分鐘準過你同我!😆

通常啲星去另一個國家宣傳嘅時候都會學當地嘅語言去打招呼,Fans聽到短短幾句就已經冧到暈〜但有啲韓星嚟香港開Show嗰時就特登學廣東話歌唱畀Fans聽,仲要唔係hea貨隨便唱就算,而係咬字超清𥇦!明顯下過苦功真係令我哋呢班香港Fans無限感動啊〜〜〜〜

廣告

IU

IU每次嚟香港開Show都一定會唱廣東歌,《囍帖街》同《喜歡你》呢兩首Cover相信韓迷都唔會陌生,唔單止唱得好聽,發音仲超準,唔洗睇歌詞都聽得明!上年更加將自己嘅歌《夜信》填上廣東話歌詞,變成廣東歌《長夜》,超好聽der💗💗💗

池石鎮

你以為IU係第一個嚟香港唱廣東歌嘅韓星?咁你就錯啦,王鼻大叔池石鎮仲早過IU啊!第一次聽池石鎮唱廣東歌真係超級驚喜,除咗估唔到佢唱得兩嘴之外,仲畀佢嘅廣東話發音準確度驚艷到!!試下想像一個韓國街餐廳嘅大叔用超標準嘅廣東話同你講野,你都應該會嚇親2秒🤣

厲旭

厲旭真係唱得好準!除咗努力聽努力練之外,原來佢仲搵咗Super Junior-M嘅周覓幫手,執佢啲廣東話發音先可以咁準!睇Fancam就知全場聽到厲旭唱《命硬》係有幾感動同興奮😆

2AM

2AM聲靚就唔洗講,唱咩歌都咁好聽☺️ 估唔到4個成員都咬得好準,編輯覺得昶旻係4個入面發音最標準嗰個!