[KOREA] 聲線VS樣完全唔襯嘅K-POP男藝人!Man爆外形x高音聲線嘅係?😳

OPPA,你好MAN啊!😍 你把聲一定同個樣一樣都係咁MAN架姐😚 咪住!點解OPPA你把聲同我想像中差咁遠嘅😱

1. 金鍾國

呢個應該係最多人諗起嘅例子掛?!擁充滿男性魅力嘅外貌、強而有力嘅臂彎、超結實嘅腹肌,再加Man爆性格,但配咗一把好似蚊飛咁輕柔嘅高音聲線😂 原來佢把聲會咁高音係因為喺3、4歲嘅時候唔小心飲咗放喺汽水罐人面嘅殺蟲劑!好彩媽媽及時發現帶佢去洗胃先冇事咋😰

2. VIXX LEO

身高180、膊頭又超闊嘅LEO可以話係女仔對男友嘅理想身型〜如果加埋把低沉又溫柔嘅聲就好啦😍 點知同金鍾國一樣,都超Man外表加高音😛 但呢把偏高音嘅聲線令佢更有辨識度,啲人一聽就知道係VIXX/佢自己嘅歌!

3. EXO 燦烈

超精靈嘅大眼再加埋大大對兜風耳真係好cute啊!佢把聲一定同佢個樣一定咁可愛架姐〜睇live片等到隻歌中段終於佢開口rap啦😚 聽咗兩句,what?呢把咁磁性嘅聲真係燦烈把聲?!😱

4. BTS V

唔知係咪因為V出道嗰時先18歲仲覺得佢好細個咁,但佢把聲係超·級·沉·超·級·man!!編輯一開始聽BTS嘅歌就冇睇MV/Live,所以完全估唔到嗰把超沉嘅聲係屬於咁得意嘅V😛

5. B1A4 BARO

BARO個樣就好似隔離屋個細佬咁,有啲呆、有啲純真,就咁望樣會覺得佢把聲應該算係普通男仔聲,唔會太高或者太沉〜點知!原來BARO把聲好低音,聽落就好似覺得細佬突然變咗男人咁🤣