[LIFE] 90後童年回憶!被遺忘嘅卡通人物你仲認得幾多個?

Hello Kitty、鬆弛熊呢啲卡通人物好受歡迎,但其實有啲知名度無咁高嘅卡通人物細個成日都見到,總會出現喺以前啲文具、書包、紀念冊、屋企啲盒仔、餐具甚至床單都會見到佢地嘅縱影(編輯而家仲用緊CK鼠床單😝),見到佢地會有種莫名的親切感!雖然佢地熟口熟面但硬係噏唔出個名,快啲睇下佢地叫咩名啦!!

Ahiru no Pekkle (Pekkle鴨)

呢隻肥鴨超級可愛,係sanrio嘅卡通人物,但好多人都唔知佢個名,叫佢「PC鴨」,其實佢叫AP鴨呀!

Monkichi(馬騮仔)

呢隻馬騮仔好多男仔細個都會好中意,都係sanrio嘅卡通人物,佢呆呆的超級可愛,仲心地善良添呀!

お茶犬(綠茶狗)

優悠自在嘅綠茶狗係SEGA Toys同日本娛樂公司Horipro共同設計嘅「治癒系」角色,佢仲有好多唔同顏色嘅朋友代表唔同飲品,想當年編輯超級中意佢地,仲瘋狂收集晒咁多隻色嘅狗仔添!

タマ&フレンズ(Tama & Friends)

Sony Creative Products嘅人氣文具品牌「Tama & Friends」之衍生作品。故事圍繞著一個住係三丁目嘅小男孩同佢飼養嘅花貓圓圓所發生嘅生活小趣事,以及圓圓同朋友妙妙、百吉等寵物每天嘅歷險故事。編輯最中意上圖右邊隻狗仔,因為佢超級好人又得意!

Coro Coro Kuririn(CK鼠)

CK鼠都係sanrio嘅卡通人物,個性好奇又頑皮,雖然有點小氣又膽小,但好中意找尋新鮮有趣嘅事。最中意女朋友Sakura。佢以前成日出現係唔同嘅文具度㗎,甚麼編輯細個本紀念冊同而家張床單都係CK鼠嚟㗎!好多人以為佢係《哈姆太郎》嘅角色,其實佢係CK鼠呀!

甘栗ちゃん(栗子人)

栗子人由日本San-X創作,角色設定為出產自中國天津,中意成群結隊活動。最可愛佢個殼成日有條蟲仔飛出嚟,同埋佢地每個都唔同表情好得意呀!