[KOREA] 泫雅♥️E'Dawn秘戀兩年!「社內情侶」有幾容易分手?

早幾日Cube連爆三對社內情侶(公司否認咗一對),最驚人嘅莫過於泫雅同Pentagon成員E'Dawn原來早喺Triple H成立之前已經一齊!!喺佢哋之前其他公司都有過唔少社內情侶,一齊睇下仲有幾多對係戀愛ing?(之前爆過咁多好似得返1 pair...)

廣告

戀愛中

Cube - 泫雅♡E'Dawn

初初被爆時公司就極速否認,但其後泫雅就喺個人IG度話唔想忍暪fans,承應咗同師弟Pentagon成員E'Dawn已經一齊咗兩年,希望可以堂堂正正拍拖。公司似乎唔太like泫雅嘅做法,緊急取消晒Triple H嘅宣傳活動,泫雅同E‘Dawn唔知會唔會因為咁而畀公司雪...

其實喺佢哋公開之前已經有唔少細心嘅fans留意到佢兩個嘅關系非比尋常,例如E'Dawn喺節目上講過自己嘅理想型係「性感嘅女仔」、而Triple H嘅表演入面泫雅同E'Dawn又有特別多嘅肢體接觸等等,依加再睇返佢哋之前上節目、簽名會嗰啲互動,其實就真係好明顯〜〜〜〜〜〜

結咗婚

YG - 鄭慧英♡Sean

歌手Sean同演員鄭慧英喺2004年結婚,仲生咗2個仔2個女添啊!之前喺《超人回來了》同大韓、民國、萬歲一家一齊參加馬拉松,睇得到一家六口超溫馨,可以話係娛樂圈嘅模范家庭💖

已分手

Cube - 穗珍♡Hui

又係Pentagon!遲一日被爆拍拖嘅係隊長Hui同新人師妹(G)I-DLE嘅穗珍,早前就畀人影到冇避忌咁拍拖行街,經過公司確認證實佢哋係一齊過但已經分咗手。

SM - 泰妍♡伯賢

最初畀D社偷拍到爆出佢哋已經一齊咗4個月,被報道後公司都承認佢哋係拍緊拖。到2015年9月有傳佢哋已經分手,但有唔少人都認為佢哋只係轉咗做地下情,其實到依家仲一齊緊!

SM - Krystal♡Kai

編輯覺得呢對超襯,可惜都係分手收場:( 2016年4月公開關係,到2017年6月因為想專心事業宣布分手。

JYP - 譽恩♡珍雲

譽恩同珍雲呢對拍咗成三年拖,最後因為私人理由而分開。後來譽恩上節目都講過後悔公開咗關係,因為咁令佢同其他人相處嘅時候好大壓力。

JYP - Min♡G.Soul

佢哋未出道喺美國訓練緊嘅時候已經認識仲互相扶持,直到2016年年尾公開情侶關系,但到2017年3月就宣布分手,戀情見光死;(

YG - 李聖經♡南柱赫

因為拍《舉重妖精金福珠》而撻着嘅李聖經同南柱赫舊年4月公開認愛,可惜公開4個月後就「行程繁忙慢慢疏遠」而分手。