[LIFE] 唔好再比佢地呃啦!5大影響身體的「健康」食物!

呢幾年好多人越來越注重健康飲食,大家都好中意食啲有機、低脂等嘅食物。但其實有啲大眾認為好「健康」嘅野食,其實暗藏會對身體造成壞影響嘅成分,過量食用會影響健康甚至令皮膚差㖭㗎!想知自己有無每日都食緊啲「壞分子」落肚?快啲入去揭穿佢地嘅真面目啦🕵️‍♂️

廣告

好多人因為覺得飲水淡茂茂,又覺得茶可以幫助消化又生津解渴,鍾意以茶代水,但原來飲茶過多反而帶走身體嘅水份,因為茶同咖啡一樣,都有咖啡因,具利尿作用,如果一日飲3-4杯以上,人攝取嘅咖啡因就會過多,補唔到水仲反會帶走身體更多水分。加上茶含有草酸成分,如果飲茶過量就會導致草酸太多,積聚喺腎臟,最後形成腎結石。

麥片

麥片含有大量水溶性纖維,對於降血糖、血脂或排出壞膽固醇都非常有幫助。但食得多可能使三酸甘油酯升高,糖尿病患者要好好注意。麥皮經常夾埋牛奶一齊食,但因為麥皮會影響鈣質同鐵質吸收,假若有貧血、骨質疏鬆或老人家就唔建議麥皮同牛奶拌起來食啦!而且麥皮纖維粗糙難消化,容易胃氣脹嘅人食太多會唔舒服。

橄欖油

 

近年大家都會用橄欖油取代花生油,因為較少飽和脂肪,有助預防心血管疾病。但其實橄欖油嘅質量好影響佢嘅較用。橄欖油最大的敵人是UV同熱力,會影響油嘅穩定性,容易變異成不健康成份,隨時因此產生反式脂肪,影響身體健康。因此唔好喺日光下暴曬,亦千祈唔好將橄欖油放係煮食爐隔離!要好好保存橄欖油,大家可以選擇用深色嘅樽嚟裝橄欖油,並將橄欖油存放係陰涼地方。緊記由榨油、入樽、儲存到開封使用,食用期限最多三年㗎咋!

西瓜

夏天人人都會食西瓜消暑,照計生果應該都好健康啦,但其實西瓜含糖多,而且性寒,有幾種人都唔適宜食。腎功能出現問題嘅病人如果食太多西瓜,會因攝入過多水分,又唔能夠即時排出,就會造成了水分在體內儲存過量,血容量增多,容易誘發急性心力衰竭。而口腔潰瘍患者(生飛滋)都唔適宜食,因為口腔潰瘍係陰虛內熱、虛火上擾所致,食西瓜致使口腔潰瘍患處復原所需要嘅水分被過多排出,從而加重陰虛內熱,導致患者愈合時間延長。

牛奶

牛奶係大部分人早餐必備飲品,覺得營養高又可以補充鈣質,但其實市面上好多經過加工嘅牛奶有啲成分可能對身體造成壞影響。同加工肉製品原理一樣,奶牛好多時會被餵食激素延長哺乳期,當我們飲咗身體就會接收過多激素,細菌容易藉此生長,容易引起粉刺、青春痘。而且牛奶含有乳脂,即動物脂肪,其實對身體有害無益,過量飲用仲有機會誘發心血管疾病。