Givenchy 3招教你點成為Perfect Woman 柯德莉夏萍!!

今時今日做女人,淨係識做「Pretty Women」係唔夠,而係要美貌、智慧同內涵都齊晒嘅「Perfect Women」!下意識第一個諗起嘅「Perfect Women」,絕對係窈窕淑女,君子好逑嘅柯德莉夏萍(Audrey Hepburn)!

廣告

(Photo by @mercedesalvarez on Unsplash)

優雅、迷人、美麗、聰穎係普遍世人對柯德莉夏萍嘅感覺。柯德莉夏萍曾經講過,係Givenchy創造咗佢。想當年柯德莉夏萍嘅時尚造型近8成都係由Givenchy所打造,每次都會風靡萬千女性追隨,上至妝容,下至裙褲至今仍然絕無過時!可以換個角度講,喺Givenchy之中一定可以搵到柯德莉夏萍式嘅美麗優雅!

1招:Givenchy華麗魅彩修護唇膏
唔少明星、KOLs、美魔女影完相唔P圖絕對唔出街。但當年柯德莉夏萍認為比起假象嘅外表,充滿內涵嘅內在美更為重要!即使曾經有攝影師建議佢不如P走面上嘅歲月痕跡(皺紋),佢都堅持no way拒絕對方。喺佢眾多無P圖照片下依舊風采優雅嘅秘密,除咗係標緻嘅五官,由內而發嘅自信,我哋更發現係嘴唇!即使唔化全妝,不施俗粉,佢都會堅持最少搽個唇膏,令個人氣息更好,心情更和緩:「On a bad day, there’s always lipstick!」

 


連女神都重視嘅唇膏,Givenchy承諾絕不馬虎!華麗魅彩修護唇膏系列推出全新3款個性色調,將滋潤、豐盈雙唇及富色澤感集結係迷人嘅Pink Lady色調之中。蘊含乳木果萃取物提供滋潤和舒適感,令嘴唇永無乾燥;另外唇膏亦會因應唇部pH值而調節唇色,形成專屬的自然個性唇色;高貴嘅粉紅色皮革唇膏外殼亦充滿優雅氛圍呀~

 


(左二)No. 2 Intense Pink: 極緻粉紅唇色
(左三)No. 3 Sparkling Pink: 鑲嵌珠光嘅桃紅色,派對中煥發光采魅力
(右)No. 4 Blue Pink: 散發珠光嘅梅子粉色,有如派對閃爍嘅光球

 

2招:Givenchy 星鑽魅彩修飾底霜

前排王子哈利同梅根(Meghan Markle)嘅皇室大婚全球矚目,當中梅根嘅新娘子look相當清幽淡雅,一身Givenchy高訂婚紗,加上無厚重粉感或濃妝抹豔,只係輕掃底霜營造素肌,配簡單嘅淡粉紅唇膏!優雅嘅背後除咗係配襯皇室形象,傳聞更係向柯德莉夏萍致敬!

想擁有英國皇室或「永遠淑女」嘅典雅,原來可以好簡單!只需要一個清新嘅素肌妝容。 Givenchy全新星鑽魅彩修飾底霜,4種柔和粉色調順滑易推,仲有細緻輕薄嘅透明色,可以針對唔同膚色充分調色、遮瑕及亮肌,解決泛紅、暗沉嘅問題,easy job打造到素肌底妝~作為妝前控油同樣OK,令T字出油位變得柔滑啞緻!

Givenchy 星鑽魅彩修飾底霜

- 綠色:淡化泛紅的膚色

- 藍色:提亮白皙和暗沉膚色

- 粉紅色:添加天然紅潤色澤

- 黃色:為一般膚色帶來全面提亮的效果。局部塗用係黑眼圈位置時,可添加少量藍色混合以淡化黑眼圈。

偷偷地話你知,底霜亮肌嘅秘密係添加咗花卉美肌複合物,包括野生三色堇、野玫塊果同玉蘭花,分別有助保濕、改善肌膚紋理同平衡膚色嘅功效;重有大米肽成分幫助修復細胞,同增強肌膚表層抵抗力,肌膚自然散發健康光澤啦!

 

 

3招:身體力行嘅智慧同善心

美國匹茲堡大學和加州大學聖芭芭拉分校曾經做過一個「黃金身材比例」嘅研究,發現擁有腰圍除以臀圍介乎0.6-0.7完美漏斗身材比例嘅女性,相對智商較高,而子女亦多可以遺傳到較高智商,其中柯德莉夏萍原來都係黃金比例範例之一。

 

女神之所以迷人,外表同智慧都係其次,更在於佢嘅內心同處事作風。當人人追求賺更多嘅銅錢虛擬幣、攀上更高嘅社會地位,柯德莉夏萍就選擇身體力行成為聯合國兒童基金會親善大使,親赴拉丁美洲同非洲等地,幫助當地孩子生活同學習。正如佢講過:「年老之後,你會發現你有兩隻手,一隻係用嚟幫助自己,另一隻用嚟幫助他人。」

 

睿智話語向來只有睿智嘅人講得出口,各位女仔你又學識未!?

 

了解更多:bit.ly/2MH3q87 
Givenchy 華麗魅彩修護唇膏 : www.givenchybeauty.com/int/en/makeup/lips/lipstick/
Givenchy 星鑽魅彩修飾底霜 : www.givenchybeauty.com/int/en/p/prisme-primer-F20100027.html