[LOVE] 異地戀9成分手?5個維繫Long D感情小技巧!

拍拖就係相有另一半喺身邊陪住自己,但如果唔好彩對方要去留學或都俾公司派咗去工幹,甚至你哋本身就係住喺兩個地方嘅人,要成日都同對方分開真係好痛苦,唔少情侶因為遠距離維繫唔到感情而分手或者無矢而終😞 如果唔想同另一半因為距離而分手,就要有啲小心機同技巧啦〜

廣告

送樣代表住自己嘅小禮物畀對方帶喺身邊

喺另一半離開身邊之前送一樣代表住自己嘅嘢畀佢,例如做對情侶鈪、情侶戒指,又或者係個鎖鑰扣、一個放咗你哋合照嘅相架仔咁,見物如見人好似另一半就喺身邊咁,輕微咁消解下相思之苦。

為對方保留交流嘅時間

呢個時代人人都好忙,細個忙讀書大個忙做嘢,淨低可以做自己嘢嘅時候已經好少,但點都要為另一半預留一啲時間去傾計了解下佢嘅最新動態,傾下心事咁,咁先可以keep住兩個心嘅距離啊!當然每日閒時會同對方whatsapp傾計,個如果可以傾視像電話會更好,始終都可以見到對方個樣同表情,個感覺會好好多架!

幾無聊嘅日常事都同對方分享

講早晨同早抖係基本之外,記得仲要同另一半分享每日發生嘅小事,可以係今日晏晝食嗰間餐廳好難食,又或者今日買咗件咩衫都可以同佢分享下,等佢都可以知道喺遠方嘅你做緊咩,感覺好似都喺你身邊一樣,update住大家嘅最新情況,唔怕會疏離!

一齊做相同嘅事

你可能會問遠距離又點樣一齊做相同嘅事,其實只要發揮少少創意就可以做到!例如用TeamViewer一齊睇戲嘅同時開住skype同另一半傾計,又可以好似LISEOK同SHINDANBI咁一齊影相,完成同HALF&HALF相似但係專屬於你哋兩個人嘅相片集〜即使有距離都阻唔到兩個人想共同做一件事嘅心架!(個懶可以,所以唔好懶啊知冇?)

製造見面嘅機會

分隔兩地長時間見唔到另一半嗰種思念一定超級痛苦,與其被動咁等佢返嚟自己身邊,不如主動出擊,買張機票去搵佢啦!無論係製造驚喜定事先已經講定,見到面嘅嗰刻你地都一定會超級開心,因為朝思暮想嘅另一半終於都喺邊喇〜可以黐住對方、拖住佢、錫佢兩啖已經覺得超sweet超滿足☺️