[MOVE YOUR BODY] 日本奇怪修身法!學做殭屍體操兼BB體操!

日本人嘅奇怪創意每次都帶到驚喜畀大家,因為實在太意想不到而令人爆笑😂 佢哋除咗有好多奇趣商品之外,連做運動嘅方式都新奇過人!

廣告

1. 扭patpat修腰腹

先做「槍」手勢,再提起雙臂到膊頭高度,雙腳擺成V字型企定定,然後左右咁不停扭patpat〜〜睇落好似好輕鬆,編輯試過喺做10秒已經開始覺得攰啦😂

2. 伸脷減雙下巴

完全冇諗過伸脷係可以瘦面🤷🏻‍♀️ 成套動作嘅重點係要慢慢做,感受每個動作拉緊唔同肌肉嘅感覺!不過個伸脷動作真係好醜樣...😂😂😂

3. 殭屍體操

呢個睇住電視或者煲住劇做都得!就咁企喺度垂低雙手,放鬆膊頭原地跑,需要嘅空間唔大。超簡單嘅殭屍跑動作除咗係帶氧運動之外,仲可以消除關節痛同預防骨質疏鬆、心血管疾病等等〜

4. 咬筷子肌肉提拉法

呢個超搞笑要咬住支筷子做,重點係最後要E起棚牙再摵眉嗰個表情,真係超級樣衰,但可以收緊面部肌肉!如果要做記得留返自己一個人喺屋企先做,畀人影到黑歷史就唔好啦🌝

5. 寶寶體操

瞓喺個舒服嘅位置(例如床、梳化),舉起雙手雙腳然後係咁fing!呢個好似發羊吊嘅動作可以燃燒脂肪令全身都咁fit喎〜