[KOREA] 9個運動員出身嘅韓星!游泳選手蘇志燮、花式溜冰嘅宋慧喬之外仲有……

如果畀你揀,你會想做演藝明星定體育明星多啲?原來有唔少韓星喺出道前都係個專業嘅運動員,如果佢哋有做到藝人依家分分鐘係國家運動員代表啦~不過好彩佢哋揀咗做藝人我哋先有咁多養眼偶像睇咋🤩

宋仲基
短道速滑

宋仲基本來係大田廣域市短道速滑嘅代表,訓練時間足足有11年咁長!不過中二嘅時候因為腳踝受傷而放棄短道速滑嘅運動員生涯,繼而專注學業仲入埋成均館大學成為依加有學識、有樣貌、又有實力嘅專業演員。睇佢上綜藝同拍劇嘅姿勢就知佢溜冰真係專業架⛸

宋慧喬
花式溜冰

宋慧喬都係溜冰運動員!!喺中二之前宋慧喬都係國家花式溜冰隊嘅代表嚟,之前喺《浪漫滿屋》入面都展示過佢嘅溜冰實力畀觀眾睇,仲嚇到本來想認叻嘅Rain縮晒沙添!如果宋宋couple都冇做到演員,唔知佢哋會唔會喺冰場上相遇又墜人愛河呢💕

HIGHLIGHT 尹斗俊
足球

全能偶像尹斗俊除咗識得唱歌做戲之外,運動都好叻!學生時期係足球選手嘅尹斗俊到成為偶像之後都keep住佢對足球嘅熱情,唔單止會參加偶像運動會嘅球賽,仲係偶像足球隊FC MEN嘅骨幹成員,踢唔同嘅慈善賽架〜

VIXX Leo
足球

Model身型嘅Leo以前係韓國少年足球隊嘅代表😍 睇偶像運動會輕鬆扭兩下就過咗對手,真係超有型啊!!同埋佢踢波都會比平時多表情,starlight一定要望多幾眼😝

GOT 7 Jackson
劍擊

應該唔少人都知港產韓星Jackson係香港劍擊代表隊前成員,不過佢有幾勁大家可能就唔太清楚。佢曾經係青年劍擊亞洲排名第1位、青少年世界排名11位,而喺加入JYP做練習生最後一次嘅比賽「2011年亞青賽」入面,佢亦拎咗17歲組佩劍個人冠軍,超強實力真係唔可以睇少架!

SHINEE Key
滑水

以為SHINEE只有珉豪係運動代表,估唔到望落瘦弱嘅Key原來係大邱市滑水前代表!中學時期Key學咗滑水冇耐就已代表住地區參與全國賽事,仲贏過好多獎添〜最搞笑嘅天生係有超強運經嘅Key其實唔太鍾意運動🤣

U-IE
游泳

U-IE本身係個掃獎嘅游泳選手,不過修長嘅身材加上過人嘅美貌令佢畀星探睇中,之後就加入咗After school。

EXID HANI
三項鐵人/游泳

HANI媽媽因為怕成長期嘅HANI學壞而帶佢去學游水,等佢可以消耗下旺盛嘅精力〜畀心機練習嘅HANI亦喺唔少比賽入面拎到唔錯嘅獎項架!之前佢上節目《我們小區藝體能》展示過佢嘅游水實力,教練仲話只要HANI改到啲小毛病就可以做到個好出色嘅泳手🏊🏻‍♀️

蘇志燮
游泳

魅力大叔蘇志燮出道前係泰陵選手村重點培訓選手,喺94年MBC嘅游泳比賽入面得到個人銅牌〜唔知係咪因為參加咗呢個比賽而畀人相中,95年就以Model身分出道,再轉型成為演員。BTW,睇佢之前比賽嗰條片,真係覺得佢同藤條身型好唔match