[EATGIRL] 飲奶茶會令你汗味更臭?想做「香香公主」要避開嘅汗臭食物!

雖然就嚟到中秋會轉季,但天氣都仲係好熱,就算出街之前已經用咗止汗劑,出到街都係出晒汗個人超臭啊〜〜雖然出汗我哋控制唔到,但啲汗臭唔臭我哋就有辦法去控制!

汗臭嘅人通常個人比較濕熱,濕熱體質嘅人容易口乾、頭痛,亦不時會生暗瘡🤦🏻‍♀️ 如果唔想一出汗就超大體味,就要注意下飲食,避免增加身體濕氣嘅食物,多食清熱利濕嘅食物,靠食做個「香香公主」啦〜

Photo: Facebook CheckCheckCin

少食:重口味、熱性食物

1. 奶茶、咖啡

咖啡因會造成汗腺大量活動,於是流汗容易臭和口乾舌燥。

2. 咖喱、麻辣火鍋

香味濃厚嘅辛香料雖然會令人食唔停口,但如果食過量令身體產生強列嘅體味啊!

3. 蒜頭、洋蔥

大蒜素分解出來嘅物質同汗水結合會令身體越嚟越臭,洋蔥入面嘅臭味物質亦會加重汗味。

4. 熱性水果

芒果、荔枝、龍眼、榴槤等呢啲熱性水果會加重身體嘅濕氣同熱氣,唔單止會令化爆瘡仲會汗臭!

多食:清熱、去濕食物

綠豆、赤小豆、生熟薏米

1. 涼性水果

西瓜可以幫助身體減少排汗,紓緩體臭問題,亦因為含水量高而有利尿作用,能夠減少毒素積聚。梨、西柚、山竹等都係屬涼性嘅水果。

2. 寒涼蔬菜

苦瓜有一種防癌的活性蛋白,能提高免疫力,清除體內有毒物質;青瓜同西瓜一樣含大量水份,可以清熱利尿,紓緩汗臭〜

3. 薏米、豆類

生熟薏米可以提升新陳代謝,幫助排尿排便,身體少咗濕熱體臭自然就會減少。綠豆有消暑、清熱、利尿同消腫嘅作用,而赤小豆亦有超強嘅除濕能力!