全日都唔使補唇膏!教你DIY可撕式染色唇膜💋

個個都紅色唔通個個都想用同一隻紅色咩?唔想同人撞唇色一於自己調色!DIY染唇膜超易整,只要準備食用色素無毒白膠漿就得!想要咩顏色、幾深幾淺都可以自己隨意調較〜各位多年嚟喺小畫家或者VA堂學返嚟嘅調色技巧可以派上用場啦😎

首先洗乾淨一個細兜抹乾,再倒啲白膠漿落個兜仔度,然後加啲食用色素(唔好問編輯要幾多gram白膠漿同幾多滴色素,因為編輯都係隨心🤷🏻‍♀️),用筷子(或任何棒狀物)搞拌下,見到啲顏色均匀就OK!

上唇嘅時候記得要用唇掃上,如果唔係你就會染埋你啲手指,整到好「呢hea」架啦〜〜

等白膠漿完全乾透就可以摵落嚟!(摵嘅感覺實在太治癒yaaaaassssss)

紅色唔錯,紫色都幾出色!

用幾多整幾多又得,整定放喺密封兜仔入面自用送禮亦得,得咗!幾啱調嚟化Halloween妝用,整完一次用晒,淨低嘅白膠漿又可以用嚟黐嘢,唔會浪費〜

後記:色素真係要落多幾滴夠濃先得,如果唔係唔太出色,會好似編輯咁挑戰綠色fail🤦🏻‍♀️