[LIFE] 旅行好物!手掌咁大嘅Mini熨斗去旅行著裇衫不是夢

去旅行要影靚相當然要着得靚啲,但啲衫塞喺個喼度拎返出嚟嗰陣一定會皺晒,想著件文青啲嘅恤衫影相呃下like都好難:( 但又冇可能帶屋企個大熨斗去旅行架嘛,又重又唔方便,仲搞到冇位放啲戰利品添啊!!!!不過如果有咗個得手掌咁大嘅迷你熨斗,去旅行著裇衫就不是夢💕

廣告

台灣TSL迷你掌上熨斗

呢款又靚又夠方便!熨斗只有11.5cm咁長,除咗有三個唔同款式嘅設計之外,仲可以叉一分鐘電後無線咁用,或者插住線都得!將啲衫掛熨又得,平熨亦得,超級方便啊〜〜

日本無印良品旅行用熨斗

雖然用嘅時候嘅體積會大少少,身長有成15.2cm咁長,但勝在收起嘅時候夠晒扁平,可以隨意收喺衫同衫中間,唔怕會撞壞又或難搵位收!價錢連稅只要3,990円,姐係港紙281蚊咋〜

日本PIERIA迷你熨斗

就咁睇佢個樣十足十細個玩啲玩具熨斗,但絕對唔好睇少佢嘅實用性,夠輕便又夠熱力!最重要係佢未連稅只係賣998円,計返港紙70蚊左右就有交易,超扺玩啊!!

美國Collar Perfect夾式旅行熨斗

編輯絕對有諗過用直髮夾嚟夾直啲衫,同呢款夾式熨斗嘅概念不謀而合😛 除咗可以夾住件衫嚟熨之外,仲可以將兩塊板反出嚟成為一個平面,好似普通熨斗咁平熨件衫,仲可以跟據布料調節溫度,不過就貴啲啦〜