[LIFE] 不能只有我看到:「#長腿協會」照騙法目測200cm美腿冇難度!

唔止女仔,其實男仔都好想擁有對大長腿〜可惜大部分人都先天不足,就唯有用照騙方法令自己有對完美長腿!上網睇咁多教學,又話要點踎低、用咩low angle、腳踭要貼住相底、腳要7字咁擺啊嗰啲,睇到都識背,影完出嚟個個都差唔多款,真係有啲悶😐 最近有個「#長腿協會」開始流行,個個會員都有對超過200cm嘅超級大長腿,真係羨煞旁人,唔講咁多,一齊睇相睇長腿!

Level 1 : 12頭身類

對腳夠長其實就唔洗擺啲咩7字腳、角度去掩人耳目㗎啦,你估啲#長腿協會會員係我哋呢啲凡人咩〜

 

Level 2 : 長過踩高蹺類

3:7比例已經滿足唔到人類嘅審美標準,要長過踩高蹺嘅腿先係最新指標。

路飛類

唔洗食橡膠果實都可以做到路飛,睇下呢班長腿協會會員就知!

Cosplay足球小將類

完美cosplay,腿長果然唔同啲。

#長腿協會係乜嚟?

其實呢個「#長腿協會」係由本地80後插畫家LLH惡搞出嚟,由佢無聊咁P咗張長腿相再加hashtag就開始咗呢個「#長腿協會」,結果一班fans就玩埋一份,齊齊將自己對腳有幾長就拉到幾長,upload上IG加入成為「#長腿協會會員」。

#長腿協會嘅宗旨就係做聚集一班「真心想一齊做無聊嘢」嘅會員,暫時除咗一齊曬長腿之外都未有其他活動,但唔好以為#長腿協會只係一個hashtag咁簡單,佢哋係有實體會員卡去證明會員身分,果然夠晒認真咁去做無聊嘢啊!唔知第時會唔會有其他認真無聊嘅搞作呢?

All Photos from Instagram #長腿協會