[KOREA]「粉絲傻瓜」IU出道10週年!佢可能係世界上最錫Fans嘅韓星?

IU雖然只係25歲,但已經係個出道10年嘅大前輩!細細個15歲就加入娛樂圈,10年以唱作歌手身分為大眾帶嚟例如《Good Day》、《YOU&I》、《Through the Night》等多首經典流行曲,唱而優則演嘅佢仲演出過唔少劇集,最近演出嘅《我的大叔》收視都唔錯㗎!有今日嘅成績除咗IU自己努力之外,當然唔少得一班Fans嘅支持〜視Fans如寶嘅IU簡直就錫Fans錫到燶,睇呢10年嚟佢為Fans做過啲乜就知!

#未成年走先

今年年頭IU喺清州搞嘅《Palette》演唱會都有單幾出名嘅暖心事跡~IUEncore嘅時候同Fans講「未成年嘅朋友,過咗945分就快啲返屋企啦!夜晚仲喺外面會危險,而且今日演唱會場地又比較偏僻」,叫未成年嘅Fans先離開返屋企,以免屋企人擔心。唔單止關心Fans嘅安全,仲顧及埋佢哋企人嘅感受,名符其實嘅暖女啊☺️

#未成年限定場

而因為有咗叫未成年Fans返屋企先嘅呢件事,IU啱啱舉行嘅出道十週年Fan Meeting就特登分咗個兩場,其中一場係為未成年Fans而設嘅下午場,唔止票價平啲,連送嘅紀念品都有精心揀過,同夜晚場唔同㗎!咁樣去分兩場搞Fan MeetingIU都係第一個🤣

#瘋狂Encore

因為太愛Fans想同佢哋相處耐啲見耐啲,如果情況許可嘅話,IU開演唱會幾乎都會由2個鐘變到4個鐘,因為佢不停為Fans Encore完又再Encore唔肯走😝

#唔收禮物

上年有次Vapp直播就有FansIU最近有冇收集緊啲乜嘢,IU就話自己最儲緊Lotion,不過就叫Fans千祈唔好買畀佢,佢咁同各位分享係因為佢已經有好多,仲話「希望大家畀收集物品嘅權限佢」。因為唔想Fans為咗自己大花金錢買禮物,IU用可愛得嚟又唔會令Fans傷心嘅理由去拒絕,超有Sense

#Fans應援

Fans請偶像食嘢應援就成日見,但調返轉頭偶像請返Fans食嘢慰勞佢哋你又見過幾多個?因為係年尾歌謠大戰嘅超長時間錄影,加上天氣勁凍,IU擔心一班等成日為見佢一面嘅Fans會餓親或者冷親,所以買咗500個漢堡包同飲品畀佢哋!喺呢次之後IU亦試過請50個去音樂節目應援嘅Fans去食豆腐部隊鍋,而且仲有去同佢哋打招呼互動添,有幾多個偶像會錫Fans錫到咁?!

#送手信

IUFans就好似朋友咁,每次佢去外地開show都會買啲零食手信返去畀韓國嘅Fans,邊個可以抽得中IU嘅禮物真係好運到爆!最搞笑嘅係有次IU嚟咗香港開演唱會,走嘅時候就喺機場買咗啲鳯梨酥、曲奇做手信,點知身邊送機嘅香港Fans講咗句「姐姐我都想食啊」,IU就即刻買多咗份送咗畀佢哋🤣 因為IU話要公平,唔可以有差別待遇~