[KOREA] SM超強音樂企劃「STATION X 0」!新世代女團ACE出單曲外仲有以下期間限定組合?

瑟琪@Red Velvet x 信飛@GFRIEND x 請夏 x 小娟@(G)I-DLE

最近熱話一定係SM STATION X 0呢個超夢幻組合!SM集齊新世代女Idol Ace,唔止有自己公司Red Velvet嘅Seulgi之外,仲有Gfriend嘅SinB、I.O.I解散後以個人歌手活動嘅Chung Ha,仲有大勢五代女團(G)I-DLE隊長So Yeon,個個都唱功舞功兼備😍 睇MV同Dance Practice已經覺得好正,好想睇到佢哋嘅live表演啊!!!

I.O.I

I.O.I應該算係K-POP界第一隊經選秀節目出道嘅期間限定組合,由於喺《Produce 101》比賽過程中已經累積大量人氣,一出道就得到「國民女團」嘅稱號。更喺出道三個月嘅時間,以小分隊嘅主打歌《Whatta Man》得到多個音樂節目嘅一位!

可惜活動時間始終有限期,I.O.I喺2017年1月29號解散。雖然只係活動咗271日,但佢哋喺Fans心中「國民女團」嘅形象永遠都唔會變。到依家I.O.I解散咗超過年半嘅時間,仍然有好多韓迷希望佢哋重組,仲有人話如果佢哋當時冇解散,一定可以同TWICE掙做K-POP一姐添!

UNNIES

提起I.O.I就會諗起Somi,諗起Somi就會諗起呢隊UNNIES!雖然只係節目《姐姐們的Slam Dunk》製作嘅特別組合,但全部成員都好認真練舞同錄歌㗎〜第二季有Somi同Minzy加入即刻為組會添加咗唔少活力〜

而第一季製作活製作女團係為咗實現閔孝琳做偶像嘅夢想,所以一班姐姐們就陪佢一齊化身做女偶像,喺台上熱舞唱歌〜

BIG BYUNG

呢隊真係睇咁多次笑咁多次🤣2014年鄭亨敦同Defconn嘅《HIT製造機》第一季搵咗VIXX嘅N同Hyuk、BTOB嘅陸星材、GOT7嘅Jackson組成Big Byung,以超低成本製作咗《Stress Come On!》,爆笑造型加惡搞歌詞令佢哋大受歡迎,仲喺MBC歌謠大戰有live表演添😂

因為《Stress Come On!》反應太好嘅關係,老虎(鄭亨敦)同勇敢的二段(Defconn)就寫多咗首《Ojingeo Doenjang》畀Big Byung,第二個MV更係遠赴澳門拍攝,有啲製作架😎

WANNA ONE

如果女團大勢係TWICE,咁男團一定係WANNA ONE。由《Produce 101 Season 2》完結佢哋正式出道到依加,WANNA ONE嘅人氣都係只增不減,無論係韓國本地定外國,就算冇追星都一定有聽過佢哋個名,而且一定會知邊個係姜Daniel〜

因為上季師姐I.O.I得到韓迷超熱烈嘅反應,公司同WANNA ONE簽咗更長,為期一年半嘅專屬合約。可惜時間過得太快,眨下眼WANNA ONE嘅合約有效期只係淨返兩個月,一眾Wannable要好好珍惜呢段短暫而美好嘅時間啦!

UNI.T

呢幾年真係好多選秀出道嘅組合,一班想翻身嘅現役或過往偶像參加《The Unit》後,因女子組得到最後勝利而組成UNI.T喺今年5月出道,暫定活動13個月,如果反應夠好就會延長合約一年,所以鍾意佢哋嘅Woo U要加把勁爭取延長期啦!

WJMK

WJMK呢個組合其實都幾創新,由第四代女團宇宙少女同Weki Meki每隊搵兩位成員參與,希望用呢crossover嘅組合帶起兩團嘅人氣〜

옆집 소녀 (鄰家少女)

鄰家少女都係由綜藝產生嘅限定組合,七位女偶像自編自演咗套電視劇《只走花路吧》,創作咗鄰家少女呢個組合,仲將呢個組會帶到現實添!(雖然只係上咗幾次音樂節目連正式MV都冇🙈)

IZ*ONE

有I.O.I同WANNA ONE又點可以唔提第三季嘅IZ*ONE?雖然仲未有確實嘅正式出道日期,但相信有睇《Produce 48》嘅Fans都已經等唔切,好想快啲見到佢哋喺台上閃閃發亮啊!