[LIFE] 即Check自己係咪「毒女」?教你揀啱自己嘅排毒方法!

「毒女」小測試

下面13種情況如果有發生喺自己身上,就加返相應嘅分數。

1. 朝早唔可以喺固定時間自然醒,起身又覺得自己四肢冇力。—— 5分
2. 梳頭時不停甩頭髮。—— 5分
3. 面部皮膚粗糙。—— 5分
4. 轉季時經常覺得皮膚痕癢。—— 5分
5. 喉嚨容易覺得乾、痛。—— 5分
6. 經常便秘/腹瀉。—— 5分
7. 冇原因地覺得好躁。—— 5分
8. 工作咗1個鐘就覺得身體好攰,胸悶氣短。—— 5分
9. 免疫力下降,一有季節性流感就會中招。—— 5分
10. 轉季/天氣會風濕。—— 10分
11. 腰有贅肉。—— 10分
12. 好少食嘢,而且食乜都覺得口淡淡。—— 10分
13. 成日失眠,即使瞓著咗都會經常發夢。—— 10分

結果

1. 2o分或以下,身體狀態合格,但都要少心唔好畀機會毒素積聚
2. 21至40分,你身體已積聚咗少量毒素
3. 41至60分,身體有頗多毒素,要清清佢啦
4. 61分或以上,您體內已經有非常大量的毒素堆積,如果不馬上清除,很可能引發其他不良症狀排毒方法推薦。

「毒女」排毒大法

淨化身體 — 排毒水 Detox Water

「排毒水」其實可以話只係吸引人飲多啲水而誕生嘅掩眼法嚟,將啲生果擺喺水入面浸,最多只可以吸收到溶喺水嘅維他命,而吸收唔到任何纖維。所以如果要做到排毒通便嘅話,就要食埋啲果肉,先至會有啲功效。不過飲多咗水就可以避免身體出現缺水情況,等身體更有效率咁吸收營養,亦加速新陳代謝,身體嘅毒素就可以透過水分排出體外。建議多用檸檬、橙、士多啤梨同奇異果,一嚟維他命C豐富易溶於水,二嚟果汁多味道酸甜較易入口。

通便勝手 — 麒麟果

如果減肥減到便秘就可以試試佢!麒麟果嘅外形同火龍果相似,顏色唔係紅色而係黃色,味道比火龍果甜,營養價值亦比火龍果高,但價錢就較貴。麒麟果含有大量粗纖維,有助促進腸道蠕動幫助排便,另外仲有豐富嘅維他命C同多酚,可以增強免疫力、抗氧化同防癌添啊!不過麒麟果糖份較高,減肥時期一次食半個好啦。

古法袪濕 — 蒸身

古法蒸身打住「懶人運動」嘅名號,用藥材蒸氣嘅熱力令身體出汗,達至排毒袪濕嘅效果。蒸身同浸浴同樣都係利用流汗嚟排走皮膚下嘅酸性廢棄物,同時帶走體內嘅二氧化碳同有害物質,試過嘅KOL同Beauty Blogger都話蒸完嘅感覺就好似跑完步咁舒暢〜

用藥 — 排毒美顏寶

聽落好似好老土,不過好多食過嘅人都話通便效堅勁〜不過編輯都係唔太建議用藥嚟排毒,好似有啲以毒攻毒對身體唔太好。

瞓多啲 — 喺適當嘅時間休息

夜晩11點至1點係肝臟排毒嘅時間,肝入面嘅毒素排得好皮膚自然靚,所以有人話最遲11點就好去瞓覺啦〜不過,亦有種講法只要保持有規律嘅作息間,比起逼自己11點就去訓,更加能夠令內臟健康。