[KOREA] 咪以為OPPA一定係暖男!韓星親身示範韓劇嘅溫柔只係幻覺

大台啱啱開始播嘅《嫁到這世界邊端2》介紹咗兩對港韓夫妻,除咗相遇嘅情節幾夢幻之外,兩個OPPA都為愛人出心出力,就好似韓劇入面咁痴情!雖然電視入面睇到嘅OPPA都好正好溫柔,但現實中有幾多個真係同韓劇男主一樣咁暖男?唔少OPPA暖男都只係幻覺,睇下以下面韓星親身示範就知道!

具荷拉
#互毆 #性愛影片威脅

韓流近期最大件事一定係具荷拉同前男友崔鐘範嘅「施暴羅生門」,雙方各執一詞話對方造成自己身體傷害,具荷拉曾經3次提出和解都被拒絕,就睇得出崔鐘範係個有幾大搞幾大嘅「復仇男」。

OPPA暖男
kara

崔鐘範因為發現具荷拉同經紀公司前代表A男喺佢未知情嘅情況下一齊食飯而提出分手,喺去具荷拉屋企執返啲行李嘅時候雙方互毆。其後男方向女方發送之前拍低嘅「性愛視頻」,指係「想整理兩人關系先畀返條片具荷拉」(乜鬼理由嚟😑),但具荷拉就認為對方係想威脅自己,摧毀自己嘅事業。一輪互相指控後有對話紀錄同CCTV片段流出,客觀嚟睇崔鐘範完有威脅具荷拉嘅企圖啊...(台灣網友更詳盡整理Click Here

OPPA暖男
kara

直到依加雙方都公開自己嘅驗傷報告,具荷拉就話雙方都有郁手,但崔鐘範就堅持自己冇郁過手,編輯就唔係好信係具荷拉單方面郁手啦,你哋又點諗?

OPPA暖男
kara

T.O.P
#吸毒 #推卸責任

T.O.P喺上年服軍役期間被爆吸毒,仲爆出係同當時嘅練習生女友韓瑞希一齊吸食大麻。T.O.P曾經喺接受傳媒訪問時話,自己係喺最不安嘅時期遇見韓瑞希,係因為對方嘅關係先會吸食大麻,令大眾覺得佢為咗自己可以甩身,而將所有責任推到前女友身上,成為「人人得而誅之」嘅渣男。

OPPA暖男
top
OPPA暖男
top

經多次審訊,T.O.P被判有期徒刑十個月,緩刑兩年執行,亦除革除義警嘅服役身分,調為「公益兵」重新服役520日。唔知服役時間係咪真係可以沖淡大眾對佢嘅負面印象,完成兵役同服完刑後可以平淡咁復出呢?

OPPA暖男
top

N件非禮/性搔擾/性侵事件

早前韓國演藝圈就發起咗「#METOO」運動,唔少層經被性搔擾、非禮甚至性侵犯嘅受害者企出嚟爆料,不論係演員、歌手定係偶像,唔少藝人嘅形象都大受影響,例如演員曹在顯、崔日和、吳達秀、歌手Don Malik等。當中被超過20名女學生指控性侵嘅演員趙敏基,喺被調查前就自殺身亡,死前打咗畀親友道歉,亦向受害學生道歉,間接承應咗性侵嘅事實。

OPPA暖男
趙敏基
OPPA暖男
Rapper歌手Don Malik

(順帶一提)
金賢重

#虐打(?) #醉駕

2014年金賢重被前女友指多次為佢懷孕又墜胎,有次仲虐打到前女友流產,成為當時轟動韓國娛樂圈嘅新聞。金賢重嘅形象因為事件而嚴重插水,因而選擇入伍「過冷河」。經過幾年嘅調查同法庭審訊,終於喺今年年頭證明佢冇對前女友虐打,而前女友亦以欺詐未遂被判刑一年四個月。

OPPA暖男
金賢重

雖然「虐打事件」金賢重大步檻過,但喺事件最終判決前又發生醉駕事件令佢形象受塤,嗰陣啲網友仲因為醉駕而話要令佢永不翻身!究竟金賢重可唔可以成功喺娛樂圈復出,就要睇佢嚟緊嘅新劇《時間停止時》先知大眾接唔接受返佢啦。

OPPA暖男
金賢重
OPPA暖男
金賢重

Photos from Internet and Video Screen Shots