[HER] 髮型錯令女神都崩壞:剪短髮後立即變路人!

好多女仔都視髮如命,齊陰吹散咗要即刻梳返好,去剪頭髮剪多咗少少就好似個天跌咗落嚟咁嚴重!只要有少少偏差,成個人嘅形象就會唔同晒,短髮 更唔可以亂剪,因為一但fail就有排先留得返長啲頭髮,先可以翻身啊! 就好似呢幾位女星咁,唔知佢哋自己覺唔覺,不過編輯就覺得佢哋 短髮 剪壞了......

pixel ad 300250

小松菜奈

媽啊我女神係咪整咗容?點解完全唔同咗樣嘅😭 雖然超短髮已經減弱咗佢本身嘅氣質,但望落都順眼可接受,不過NYLON封面個「冬菇頭」真係完全令女神崩壞...... Chanel Fashion Show個微濕「barcode陰」又係一個咩造型🤦🏻‍♀️

短髮

短髮

長髮嘅小松菜奈唔笑嘅時候厭世感滿分就唔洗講,而笑嘅時候又充滿少女感,換咗超短髮真係覺得佢好唔襯超級奇怪啊!!女神快啲留返長啲頭髮啦😭

短髮

短髮

邢鹿

唔認得佢係邊個?咁你記唔記得有個日本廣告,有個女仔又唱又跳咁教你啲約會相睇小心機?佢咪就係因為個廣告而爆紅嘅邢鹿囉〜剪咗超短髮嘅邢鹿同小松菜奈一樣氣質大變,變到好似個小男孩咁,如果喺街度同佢刷肩而過一定唔會認得佢。

短髮

短髮

但明明邢鹿應該係精靈、空靈嘅形象先啱㗎嘛!點解要將啲頭髮剪到咁短,調皮少女變中國小伙編輯接受唔到啊!😫

短髮

短髮

彩瑛(Twice)

彩瑛剪短髮完全係可愛少女變大媽嘅例子,一剪就老了十年,究竟點解公司會畀佢將自己搞成咁🤦🏻‍♀️ 明明係行可愛路線突然剪咗個中性短髮,叫班「Once」情何以堪,不過好彩嘅係無論係彩瑛本人、公司定Fans都知呢個髮型出咗事,好快彩瑛就留返長啲頭髮啦〜

短髮

短髮

SEE?長髮嘅彩瑛可愛得嚟帶點清純,有種初戀女友嘅感覺〜長髮返返嚟真好☺️💗

短髮

短髮

Chloe So 蘇皓兒(前AsOne成員)

因為編輯細個有睇《Yes!》嘅關系,所以一直就睇住Chloe由做《Yes!》Model到加入AsOne,再單飛做Model同演員。唔知係咪因為事業有轉變令佢相尋求下突破,所以先喺髮型上做改變,將一直以嚟嘅長髮剪到變超短髮!!!編輯覺得超短髮真係唔適合Chloe個樣,分拆開髮型同五官嚟睇,依然係個美女,但拼埋就不了。

短髮

短髮

Chloe最令人印象深刻就係佢眼大鼻高再加深色長髮嘅形象,充滿住溫柔、欺文嘅氣質,有啲角度仲好似早代女神周慧敏㗎〜所以Chloe你快啲諗諗留返長頭髮啦😖

短髮

短髮

All Photos from Internet and Instagram