【#入秋好物推薦!】日本美妝大賞の人氣藥妝MINON登陸!

一轉季,特別係夏天轉秋冬嘅日子,女仔就特別驚!事關幼嫩肌膚容易浮現出乾燥、細紋、泛紅、敏感等問題!身為敏感肌一族嘅我就更加煩惱,因為肌膚好易受刺激而敏感,連揀護膚品都要好小心!但有時真係步步驚心呀,即使用上不含酒精、香料,甚至蘊含膠原蛋白、高純度角鯊烯嘅保濕乳液或洗面產品,都係有機會敏感!好彩我千揀萬選終於搵到來自日本嘅人氣護膚品牌 MINON Amino Moist!最近佢更成功登陸香港呢片美妝福地,我終於唔洗再左撲右託咁慘啦!

平時用開佢嘅濃潤保濕化妝水,仲有2016年獲得@COSME美妝大賞面膜部門No.1嘅超水潤保濕修護面膜,保濕之餘亦令皮膚穩定咗!但嚟緊轉入秋冬,要開始重點加強保濕!今次推薦MINON Amino Moist以下兩款試用後效果不俗嘅入秋好物比大家,就係 長效保濕乳液 及 亮肌酵素洗顏粉!


(左)亮肌酵素洗顏粉 HK$148/35g;(右)長效保濕乳液 HK$208/100g

 

由日本藥廠監製嘅 MINON Amino Moist,係日本多次獲 @COSME美妝大賞同各大美容獎項。同一般市面護膚品最與眾不同嘅地方,就係品牌主打9+2溫和高效皇牌氨基酸配方,先為肌膚保濕打底,令皮膚變健康,再改善膚質。氨基酸係組成人體肌膚天然保濕因子同膠原蛋白嘅主要成分之一,分子更幼細更易吸收,為肌膚大幅保濕鎖水,對抗秋冬乾燥季節,難怪成為日本現時最受追捧的保濕成分!溫和質感無刺激性,更適合我呢啲敏感肌使用呀!

 

肌膚全天候飲飽水!-- MINON Amino Moist長效保濕乳液


入秋轉涼、日夜溫差大,水分快速流失令我嘅敏感肌開始變得乾燥、泛紅,有時眼尾、鼻翼、面頰更有細紋、痕癢同甩皮嘅情況出現!

*連續4年(2013-2016)獲得@COSME美妝大賞乳液部門No.1嘅MINON Amino Moist長效保濕乳液,厲害在保濕滋潤度高得嚟,質地清爽又唔「笠」,唔會搽完好快就無感覺,仲有抗氧化效果!


用完化妝水後,吱1-2滴均勻搽上面,感覺係薄薄舒服嘅一層!原來分子幼細嘅保潤氨基酸極速滲透到肌底保濕鎖水,令肌膚飲飽水之餘,仲維持到肌膚水油平衡,完全對付秋天轉季水分流失同油脂分泌失衡嘅情況!


(左)用前面部乾燥,只含水分14%,油分為21%;(右)用後水分上升至51.5% 油分下降至16.4%

而另外有2種美容氨基酸就幫助抗氧化、抗糖化及抗羰基化,大大改善到我肌膚質素,無泛紅、無乾紋,回復到緊緻彈性嘅嫩肌啦!

 

為肌膚洗到白白淨!-- MINON Amino Moist亮肌酵素洗顏粉

次次出完街積咗成面灰塵、細菌同致敏原,搞到皮膚容易過敏!一般磨沙或者酒精濃度高嘅潔面產品我都唔敢用,因為刺激性偏高,容易令肌膚泛紅、痕癢;用刺激性低嘅配方,負擔係少啲,但相對美容效果又低。好在MINON Amino Moist亮肌酵素洗顏粉 就啱啱好平衡到係兩者之間,同樣適合所有肌膚使用,包括乾燥肌及敏弱肌!

每次倒出1蚊硬幣大小嘅超幼細酵素粉粒係掌心,再加水搓揉成泡沫狀按摩全面,可以溫和潔淨面上油脂污垢同去角質!洗完面之後肌膚Keep住清爽彈滑,仲無出現任何乾燥、痕癢同繃緊敏感症狀呀!

 


*一般膚質建議每星期使用1-2次,油性或角質層較厚肌膚可每日使用。

 


用完兩支 MINON Amino Moist產品,皮膚真係比以前光滑咗,仲無出現敏感肌過敏情況,依家上妝比以前更服貼,近鏡都無有怕!

 

  • 零售點:萬寧、屈臣氏、SaSa莎莎、LOG-ON、colourmix、AEON、APiTA、千色百貨、@COSME、一田及各大品牌專櫃有售。
  • www.minonhk.com