[BEAUTY] 越南嘅唇膏竟然咁好玩?一試古代妃嬪式抿唇搽唇膏!

一般唇膏都係長管形,每次扭啲出嚟搽上嘴度,但呢隻唇膏就同其他唇膏用法完全唔同,唔係搽上嘴而係抿上嘴!而且4隻色都咁靚,有得靚又有得玩,難怪越南妹都爭住買,買到Juicy同Cherry呢兩隻色都斷咗貨......

只要打開個蓋用嘴輕輕喺唇膏上抿一抿就搞掂,唔使搽嚟搽去好似方便啲啲又得意啲〜除咗抿上嘴仲可以當胭脂用,細細力掃上面,襯返唇色就Perfect!如果覺得4隻色都好靚揀唔落手,一於就4色全包啦!春天用Peach,夏天用Strawberry,秋天用Juicy,冬天就用Cherry,一年四季岩岩好!

除咗呢支「抿唇唇膏」之外,Ty Cosmetics仲出過好多唔同款式同質感嘅唇妝產品,而咁多款唇妝產品唯一相同嘅係全部都係啞光霧面效果!仲有另一個重點就係佢哋啲產品價格都超級平民,最貴嗰款都只係港紙$60,有冇同編輯一樣係「霧面控」嘅朋友會去越南可以做代購😛

除咗上面介紹咗嘅「抿唇唇膏」之外,編輯最推薦呢支「Matte Lip Cream」〜

「Push Up」土系楓葉色就最啱依加秋天用,不過編輯私心推介「Give It to Me」深玫紅色,低調地搶鏡🙈

出咁多靚唇膏嘅品牌創辦人竟然是個Boy?!94年嘅Ty Quang Lê除咗係自家品牌Ty Cosmetics嘅Founder之外,佢亦有喺Youtube教人化妝,仲有成13.9萬Subscribers,可以話係越南男版Pony啊〜有興趣可以去佢嘅IG/Shopee網店睇睇。