[KOREA] 韓星發火非同小可!盤點老闆令男神女神失望心碎嘅大事件!

老闆發火就見得多,有幾可係員工夠膽向老細提出要求?

泫雅

泫雅同男友E'Dawn公開承認戀情後公司Cube喺9月中對外宣布兩人退社,到後來又有公司高層出嚟否認辭退消息,令人覺得公司嘅處理超級混亂!不過泫雅喺消息傳出後都冇公開講過公司半句壞話,只係同親友講過:「同Cube嘅緣分好似到此為止」。

直到10月15號Cube終於發出最終聲明,已經同泫雅協議解約,並感謝多年陪伴公司嘅藝人同Fans,但仍然冇公開E'Dawn合約嘅處理方法,令Fans 極 度 不 滿 !後來泫雅喺10月頭寫畀公司嘅親筆信喺網上流傳,內容完全感受到泫雅對公司同老闆嘅失望,就算唔係Fans睇完都會為泫雅覺得心痛啊〜

致申大男代表。

您應該知道,我除了拼盡全力活動、讓CUBE有了今天的地位,沒有任何的罪。

第一,我和JYP分開的時候,是站到洪會長(CUBE創辦人洪勝成)這一邊。 第二,洪會長和樸鐘民社長髮生衝突的時候,樸社長勸我一同離開,但我仍然站在洪會長這一邊。 第三,我盡了全力讓CUBE上市並達成今天的地位,除此之外沒有任何罪。

不知道我究竟犯了什麼死罪,從9月初到現在所有行程都被取消。 9月13日看到退出的新聞,但應該是直接見面告訴我才對吧。 這些我都接受了,9月16日在CUBE會長家中接到了最終和解、終止合約的通報,並被告知將召集股東大會、通知我結果,然而至今沒有任何消息。明明在同一座大樓,卻借口在不同樓層,一直拖延時間。

對我而言,每一天都仿佛血液被熬幹。 兩個月的等待實在太辛苦了。希望在本月15日給我回答,乾淨地、像紳士一樣地終止合約。如果到那時都不予聯絡,我會召開記者會,告訴大家事實,然後走我自己的路。 拜托了。我除了拼盡一切去努力和犧牲、讓CUBE走到今天,沒有任何的罪。雖然與我的意願無關,但我事實上已經離開CUBE,形象也跌到谷底,名譽掃地。

如果您還念舊情,希望您可以進行美好的、妥善的解決。 祝願CUBE前途無量。感謝。

2018.10.4 泫雅敬上

泫雅同E'Dawn都係睇新聞先知道自己被退社,公司喺事前完全冇同佢哋面對面去交待,當然會令人覺得不被尊重啊!編輯總係覺得如果唔係泫雅話會開記招,Cube都唔會喺15號解決件事,一直拖到拖到2046都唔會解決。希望泫雅同E'Dawn快啲搵到新公司,以後只行「花路」啦!

15&

唔知大家仲記唔記得朴智敏當年係以2012《K-POP STAR》第一季嘅冠軍身分簽約JYP,再同五年年資嘅練習生白藝潾組成15&喺同年出道,當時嘅成績對新人嚟講已經算唔錯,可惜公司咁耐以嚟只係幫佢哋推出咗一隻正規專輯再加幾隻單曲,然後就沒有了。明明兩個成員都有實力,而智敏喺《K-POP STAR》又累積咗一定人氣,點解JYP就唔繼續推?

到16年智敏就以solo歌手身分出過迷你專輯,但成績就唔太亮眼。唔知係唔係因為咁JYP就「放養」處理,15&就好似消失咗咁冇晒聲氣。一直喺節目《After School Club》做主持嘅智敏喺今年年頭被問到新一年嘅展望,就忍唔住爆發隔住個Mon對老細JYP要求要出專輯!仲要唔只爆發一次而係兩次(影片1:24 & 1:52),完全感受到佢作為歌手但出唔到歌嘅不忿。

"JYP! Are you listening? I need to sing! I'm a singer.
So that's why I need an album! You know what I mean?
I didn't release a song at least a year! Are you listening? I need a song!"

好彩嘅係JYP對智敏呢次嘅爆發作出咗回應,終於喺今年9月幫智敏出咗第二隻個人迷你專輯《jiminxjamie》。但另一位成員藝潾就冇咁好彩,可能因為佢冇激烈咁反映自己想出歌嘅慾望,由16年嘅《Love you on Christmas》後佢就冇任何專輯,只係間唔中Feat.下歌咁。其實JYP如果冇心捧佢哋,不如早啲放生佢哋等佢哋可以搵條啱自己嘅音樂路,唔好白白浪費兩個實力年青女歌手嘅時間啊。

CL

如果話Jennie係新代YG小公主,咁CL一定係YG女皇!CL呢幾年去咗美國發展,好似都發展得唔錯,出歌之餘更有拍電影《Mile 22》,令好多人都誤會以為CL已經轉向發展歐美市場唔會再喺韓國發展,但實情並唔係咁!

其實CL喺美國過得碰唔係大家想像中咁風光美好,佢喺美國同新人冇分別,所有事都要由自己去處理,化妝、開會、排Schedule全部都自己做晒,YG就將CL完全放任唔理由佢自己一個喺美國拼搏。雖然話美國嘅活動係由School Boy Records去處理,但韓國活動點解都會置之不理?

15年《Hello Bitches》之後CL都冇喺韓國出過歌,連節目都只係大約一年先會上一、兩次,唔怪得CL會喺老細梁鉉錫IG上留言開火,叫佢覆Message啊!CL仲like同回咗唔少Fans嘅留言,顯示佢對YG已經心灰意冷、想離開公司嘅念頭。

留埋言老細都冇反應

 

一句「U stay」超霸氣!
CL話YG實在太多代表人物啦〜
仲有人叫佢帶埋Lee Hi走!

如果CL你想離開YG就走啦,仲有一大班Fans會撐你㗎,加油!You deserve better!!

Lee Hi

Lee Hi嘅經歷真係好可憐,雖然喺《K-POP STAR》第一季不敵智敏,但人氣絕對唔輸蝕,仲掃咗唔少新人獎啊!即使成績咁出眾,由2012年出道到依加6年時間YG都只係幫佢出咗兩隻正規專輯同同公司藝人合唱幾隻歌、唱下OST咁,但其實就算慢啲嘅「一年一專輯」Lee Hi都應該出咗6隻碟先啱啊,產量實在太低......

因為空白期實在太長嘅關係,上年Lee Hi上節目《Party People》唱完佢自己最新嗰隻歌《Breathe》之後就忍唔住爆喊,因為作為歌手但一直都冇機帶自己嘅音樂畀大眾實在太可惜、太傷心啦。

直到今年Lee Hi終於有新碟!不過唔好開心住,公司只係幫佢出咗日本出道專輯,而入面亦冇新歌,只有改咗既日文歌詞,似乎老細想將佢放喺日本浸住先,都未有畀佢喺韓國comeback嘅意思,其實同雪藏真係冇乜分別。可能老細真係太忙太多嘢要做掛?可憐Lee Hi等咗咁耐,咁用心練習同表演都係回歸無期。

Tablo (Epik High)

YG社長真係出咗名最識得令旗下藝人傷心失望,連已經出道15年應該見慣風雨嘅Epik High都唔例外。雖然當年喺Epik High遇到難關嘅時候YG出手相助簽咗佢哋,但Epik High最後都係選擇約滿唔續,就知道佢哋對公司有幾心灰,連當年恩情都覺得已經報盡決定離開。

最近仲流出咗一段Tablo喺離開YG對老闆梁鉉錫講嘅一段說話:「喺YG入面Epik High就好似...我諗我哋係唔係都只係屬於XX等人。公司紅嘅人實在太多,演員都越嚟越多。」反映Tablo認為YG其實已經冇容納佢哋嘅空間同位置。

Tablo仲有骨咁話:「喺YG裡面最忙嘅藝人就係梁鉉錫社長本人,因為行程太多都會覺得唔好意思!所以先會話『我依家拍攝緊,所以唔記得咗上傳宣傳畫報。』我想講嘅係佢真係好用心咁過每一日,依家請重新出道啦!既然係咁,就希望您再次出道能成為綜藝界嘅新星,綜藝界嘅績優股。」嗯......睇嚟梁社長真係太偏心某啲組合,舊約藝人都只會一個個心淡咁離開🤔

All Photos from Internet and Instagram