[BEAUTY] 99%女生都用錯Dyson Airwrap?5個必學實用Tips+2款手殘都學到嘅髮型教學!

繼Dyson Supersonic風筒搶購潮後,前排Dyson又放毒出咗新嘅美髮用具Airwrap,全套造型器嘅組合更被瘋搶到斷貨添啊!究竟係有咩咁吸引到全民瘋搶,等編輯都試返兩個look,睇下有咩咁正先😆

Dyson Airwrap™ Complete 造型器

比起傳統嘅熱力造型工具,Airwrap使用嘅溫度相對低啲,維持喺150°C以下,減少熱力對頭髮同頭皮嘅損害。用完會見到頭髮光滑,唔會毛躁。更正嘅係佢可以喺頭髮半濕嘅時候用,一邊set頭一邊吹頭真係慳唔少時間㗎〜又再以瞓多三個字🤤

Screen shot: Youtube/뉴트tv

造型 1:女神大旁分

先將頭髮分三區,頭頂部分紮起,紮起部分嘅邊界係髮型分界位置。

30mm髮捲將兩側整鬈,建議向外捲感覺會比向內捲更有女神氣場。

頭頂就跟分界方向向外捲,瀏海部份用40mm髮捲

全部頭髮都整鬈之後用圓頭豐盈造型梳,由頭頂髮根向上梳,吹高少少瀏海可以拉長面型〜

最後用手指將頭髮輕輕梳開令造型柔和一啲,再撥埋一邊就搞掂!

p.s. 如果唔鍾意太鬈就全部都用40mm髮捲啦〜

造型 2:復古內彎梨花頭

好似編輯咁髮量多嘅用硬刷順滑造型梳,如果頭髮少啲要增加Volume就可以用軟刷順滑造型梳

用法超簡單,好似平時梳頭咁梳,如果想要好直可以用另一隻手捉住髮尾輔助。

髮尾內彎有兩種做法 (1) 用造型梳,由頭頂梳地髮尾,喺髮尾部分再向內梳(手腕向外壓),令髮尾向內彎; (2) 用髮捲只將髮尾吸住令髮尾內彎。

瀏海以三手辮鬢起,用髮夾固定再用頭頂頭髮摭住。

最重要嘅5個TIPS!

#1 半濕髮造型效果最佳

洗頭後先用預備造型風嘴將頭髮吹到半乾,再用髮捲一邊造型,一邊吹乾頭髮,慳時間又方便!如果唔係洗完頭再整造型嘅話,都建議將頭髮整到半濕先用Airwrap造型,效果會比全乾髮用更持久。

#2 不用手動捲髮

Airwrap製造氣流形成「康達效應」,令頭髮會順住髮捲周圍嘅氣流貼到髮捲上定型。如果先用手將頭髮捲到髮捲上再開機,頭髮反而會被吹散/吹走,整唔到好睇嘅曲髮。

#3 10+5法則

用熱力造型10秒後,轉用冷風「急凍」頭髮5秒定型,可使造型更持久。

#4 貼近頭皮不要使用最高溫度

雖然Airwrap嘅熱力已經比其他造型器低,但為頭皮着想都係唔好貪快用最熱,始終頭皮同面皮一樣跪弱,用低溫啲比較安全。

#5 輕壓造型梳至正確風向

兩款順滑造型梳都可以調教風向,用造型梳吹直頭髮時記得風向要向下,只要梳頭時手腕向外輕力壓一壓就可以調啱風向,頭髮唔會再亂飛!