[LIFE] Pokémon推出新品種?倫敦插畫家THUMBS惡搞爆笑「合成獸」!

比卡超,就決定係你啦!咪住!點解我隻比卡超個樣咁怪嘅?竟然係同Simpsons合咗體?!!!唔只比卡超,噴火龍、水箭龜、傻鴨、卡比獸......全部都變晒「合成獸」,點解會咁㗎😱

Homer同水箭龜合體個氣勢即刻弱咗100倍
兩隻都好似啲路邊奇怪大叔 
編輯超鍾意佢隻脫髮傻鴨🤣
唔知點解覺得佢哋好似係一pair咁好襯
真係咩樣都有

寵物小精靈a.k.a精靈寶可夢唔止係我哋嘅童年,有唔少歐美地區嘅人都係睇住Pokémon成長,寵物小精靈算係全世界80、90、00後嘅集體回憶。倫敦插畫家/設計師Thumbs最鍾意就係將佢喜歡嘅事物結合,所以係Pokémon Fans佢就將啲小精靈全部同Simpsons合體,創作咗全套超詭異但又爆笑嘅寵物小精靈。

咁樣睇真係好熱鬧!
呢個version就可以每隻都睇得清清楚楚〜

初代151隻佢真係全部畫晒,仲整咗全套poster等人可以掛喺屋企慢慢睇慢慢慢笑〜除咗佢嘅「合成獸」圖鑑之外,佢仲認真到做咗一套同Pokémon對戰咭一樣可以玩嘅Game Card,不過就有啲貴,承惠港紙1800蚊(GBP 180)。

不過編輯就覺得與其買全套但唔係隻隻都咁鍾意嘅Game Card,倒不如只係買鍾意嗰隻嘅扣針拮喺袋度,好似會仲開心仲過癮啲😝

佢哋啲眼神好吊詭好搞笑😂
呢兩隻「合成獸」一啲違和感都冇好有原版嘅味道
喵喵怪瘦咗咁多嘅?
阿妹Maggie係BB,咁家姐Lisa當然就係進化版啦〜

除咗最出位嘅寵物小精靈系列之外,Thumbs都有畫過其他「合體作品」,例如Star War、Batman等等系列都唔錯㗎!

佢仲有貼紙、T-shirt等等嘅產品,有興趣可以follow佢IG或者去佢網站再睇下囉〜😙