[LIFE] 唔怕凍到鼻敏感!今期流行「Nose Warmer」幫鼻子保暖防寒!

終於都開始感受到冬天,終於都可以拎返衣櫃底啲高領冷衫、衛衣、冷帽同頸巾出嚟着啦!!!但天氣凍嘅時候鼻就會因為成日吸啲冷空氣而好凍好辛苦,帶口罩又覺得太焗,不如試下用今期流行嘅「Nose Warmer」幫個鼻保暖😏

pixel ad 300250

雖然Nose Warmer今年冬天先因為佢「怪異」嘅外型而受到關注,甚至成為咗西方國家人民嘅must have item,但其實英國The Nose Warmer Company早喺2009年就開始賣唔同款式嘅鼻罩,由羊毛、人造毛、羊毛冷織都有,而且仲有唔同Pattern同綁繩可以揀。

雖然戴住鼻罩可以保到暖唔怕個鼻會痛,但戴住出未免會因為造型搞笑而得到途人嘅注視啊,所以如果要用就一定要克服咗路人嘅目光先!老闆Sally接受訪問嘅時候就話:「你覺得佢睇落好白痴?聖誕Jumpers同有大冷球嘅冷帽都一樣咁白痴啊,但係都有好多人着上身。 (It looks a bit silly, you say? So do Christmas jumpers and bobble hats, but plenty of people wear those.) 你個鼻紅晒咁四圍行有時可能仲尷尬!」想要個又紅又痛嘅鼻定係戴個鼻罩保暖等佢舒舒服服,你有得揀🙈

自從鼻罩嘅熱潮帶起咗之後,市面就開始多咗好多唔同款式嘅Nose Warmer,動物系、節日系、搞怪系咩類型都有,好似唔買返個用就會outdate同其他人脫節咁!!如果同成班friend一齊戴住行街個場面一定會超爆笑🤣

雖然香港嘅冬天唔係真係好用到呢啲咁得意搞笑嘅鼻罩,但去凍嘅地方旅行就會用得着,揀款送畀朋友做聖誕禮物好似都係個唔錯嘅選擇〜又或者買個嚟開party嘅時候玩下都幾棧鬼㗎😜

All Photos from Internet and Instagram