[BEAUTY] 比PONY EFFECT更出色?韓國美妝大神閔賽倫品牌rom&nd性價比極高!

講起韓國彩妝大家可能第一時間諗起Etude House、Missha、Innisfree啲大牌子,近年韓國超人氣Beauty Blogger Pony嘅自創品牌Pony Effect亦都掘起成為一線品牌,但其實韓國仲有啲二、三線牌子嘅產品性價比都好高,就例如另一人氣美妝大神閔賽倫嘅品牌rom&nd

閔賽倫呢個名可能大家會有啲陌生,但其實佢比Pony更早發展Beauty Blogger事業,2015年NAVER Blog人氣仲高過Pony添!不過可能因為Pony靚女啲所以跑出咗,但實際上佢嘅化妝技巧同Pony比有過之面無不及啊。

閔賽倫喺2016就建立咗個人品牌rom&nd,由底妝、眼影、胭脂到唇膏都一應俱存,重點係價錢夠親民!尋日最新推出嘅ZERO GRAM唇膏系列5隻SUNSET MLBB新色超啱冬天用,仲要係超有質感嘅Matte面,都係7,900won姐係港紙55蚊咋〜

雖然佢嘅品牌價錢平民,但質素絕對唔普通啊〜做得最出色嘅當然係最好賣嘅唇妝系列,無論係咩唇妝産品都大受好評,目前ZERO GRAM同ZERO VELVET TINT最受歡迎,超多韓妹都追捧㗎!

最近亦推出咗rom&nd第一款胭脂,粉粒超微細令質感非常柔滑,唔少韓妹用後都評價話好似用filter blur咗一樣!五款顏色都好適合日常用,仲要價錢唔貴,唔全包真係對唔住自己,買完之後星期一到五每日用一款就啱啱好,又平又靚〜〜〜〜

rom&nd呢個國民好感度高嘅品牌暫時仲未有專門店,不過佢喺弘大、江南、龍山等等地方都有開架售賣,行程啱嘅話就記得去掃返啲戰利品啦〜如果唔想特登去搵就問定酒店可唔可以代收再上官網訂,再唔得就搵代購啦😛(韓國門市售賣點

講返創辦人閔賽倫〜佢會成為人氣Beauty Blogger嘅原因可能係因為佢素顏嘅時候就同普通路人一樣完全唔起眼,但化妝後即變女神而令大眾更有共鳴想要 跟佢學化妝啊!令人覺得最神嘅係佢可以將自己個鼻完全改造,由狗鼻子變成間尺鼻,完美呈現咗佢「想令大家喺唔使整容嘅情況下都可以變靚」嘅宗旨。所以大家想路人變女神,不妨多啲留意佢YoutubeIG睇下有咩最新「易容術」,再自己喺屋企多啲練習下就可以靠自己整容啦!

All Photos from Internet and Instagram @romand, @sr531